Buddha FM Websites:

TuneIn

အလွယ်ကူဆုံး ရေဒီယို နားဆင်ရန် နှင့် တီဗွီ ကြည့်ရန် Buddha FM Toolbar

http://buddhafm.ourtoolbar.com/

Installs in Seconds, Includes Uninstaller

အင်တာနက်မလိုပဲ ဖုန်းခေါ်၍ နားထောင်နိုင်သည်


AudioNow

Buddha FM ကို အင်တာနက်မလိုပဲ ဖုန်းဖြင့်ခေါ်ဆို၍နားထောင်နိုင်သည်။


US ကနေနားထောင်မည်ဆိုလျှင် 712 432 7003 ဖုန်းခေါ်ဆိုပါ။


US အပြင်ဘက်နေ နားထောင်မည်ဆိုလျှင် +1 712 432 7003 ဖြင့်ခေါ်ဆိုပါ။




Read More....

Buddha FM ကို Device အားလုံးဖြင့် နားထောင်နိုင်သည်

Buddha FM Radio ကို Android Phone အားလုံး နီးပါးနဲ့ နားထောင်လို့ ရပါတယ်။ Google မှာ Buddha FM Radio လို့ ရိုက်ထည့်လိုက်ပါ။ အဲ့ဒီမှာ "Buddha FM Radio--Listen Online Tunein" စာသားတွေ့လိမ့်မယ်။ ကလစ်လုပ်ပြီး Install လုပ်လိုက်ပါ။ တိုက်ရိုက်လိပ်စာကတော့ http://tunein.com/radio/Buddha-FM-Radio-s206211/ ။ အဲ့ဒီမှာ Install လုပ်ပြီး နားထောင်နိုင်သည်။ တစ်ချို့ Android Phone တွေမှာ WMA support မလုပ်ယင်၊ ဖိုင်အားလုံးကို support လုပ်တဲ့ဟာ လမ်းညွှန်လိုက်မယ်။ ရှာနေရမှာစိုးလို့။ ဟော့ဒီမှာ
https://play.google.com/store/apps/details... ။ Install လိုက်ပါ။ ကြိုက်တာဖွင့်/ကြည့် အကုန်ရတယ်။ ဘာ App မှသီးသန့်လုပ်စရာမလိုတော့ပါ။
Loading...

Buddha FM Soundclould Live

Station Name:
Station Genre:
Current Listeners:
Bitrate:
Now Playing:
Recently Played:

Wednesday, November 17, 2010

ရွှေတောင်မြို့ ကျီးသဲလေးထပ်ဆရာတော်ဘုရားကြီး ရေးသားတော်မူအပ်သည့်

ပကိဏ္ဏကနမက္ကာရအစိန္တေယျကြီး ဘုရားရှိခိုး

၁။ အစိန္တေယျ၊ အပ္ပမေယျ၊ သေဌဇေဌ၊ အတုလပရမံ၊ အရဟံ ဘဂ၀ါ၊ သမ္မာသမ္ဗုဒ္ဓ၊ အနုတ္တရမာရဇိ၊ တိလောကန္တဂူ၊ သယမ္ဘူ ဘ၀ိဿရ၊ ဤသို့စသား၊ အသင်္ချေယျ၊ နာမတံဆိပ်၊ ဂုဏ်ဝိသိဌ်ဖြင့်၊ ဇမ္ဗူဒိပ်မှတက်၍၊ ဘ၀ဂ်တိုင်ကြေညာလျက်၊ ကာမရူပ၊ အရူပဟု၊ သြကာသသုံးရပ်၊ လောကဓာတ်နှိုက်၊ အမြတ်ထက်အမြတ်၊ သမိုက်အပ်သော၊ လူနတ်ဗြဟ္မာ၊ မဟာက၀ိန်၊ သုခမိန်တို့သည်၊ ပညိနြေ္ဒရှိတိုင်းဖြင့်၊ ခြားပိုင်းတွက်ကျုံး၍၊ မဆုံးမကုန်နိုင်၊ မကြံစည်နိုင်၊ မအံ့သြနိုင်၊ ပြည့်လှိုင်ထွေပြား၊ များပြားကျယ်ဝန်းသော၊ ကျေးဇူးတော်အပုံ၊ ဂုဏ်တော်အပေါင်းနှင့် ပြည့်စုံတော်မူထသော-

၂။ အမျိုးဖြင့်မြတ်သောသူ၊ ဘုန်းဖြင့်မြတ်သောသူ၊ ဂုဏ်ဖြင့်မြတ်သောသူတို့သည်၊ မာန်မူဖက်ပြိုင်ခြင်းငှာမထိုက်၊ မကိုဋ်မင်္ဂလာ၊ ဤကမ္ဘာနှိုက်၊ ပထမာဒိက၊ ဘူမိပါလ၊ အာဒိစ္စဂိုဏ်း၊ တိုင်းပြုပြည်ပြု၊ သမ္မုတိဒေ၀ရာဇ်၊ နေနွယ်ဖြစ်၍၊ စင်စစ်အမျိုးတော်အားဖြင့် မြတ်သောဇာတိမဟတ္တဂုဏ်။ သုံးဘုံရပ်လုံး၊ ညွှတ်ရုံးကော်ရော်၊ ပူဇော်ဦးညွှတ်ရာဖြစ်၍၊ စင်စစ်ဘုန်းတော်အားဖြင့် လွန်မြတ်သော ပုညမဟတ္တဂုဏ်။ ၀သုန်သေလာ၊ အဏ္ဏ၀ါကို၊ မြူလွှာပြုလျက်၊ နှိုင်းတုစက်လည်း၊ ကျေးဇူးနက်တိုင်၊ မကုန်နိုင်သည်ဖြစ်၍၊ စင်စစ် ဂုဏ်တော်အားဖြင့် မြတ်သော ဂုဏမဟတ္တဂုဏ်။ ဤသုံးစုံကြောင့်၊ လူ့ဘုံနတ်ဌာန်၊ ပြိုင်စံယှဉ်ဖော်၊ မပေါ်မပြူ၊ တစ်ဆူတည်းသော အပ္ပဋိပုဂ္ဂိုလ် ဖြစ်တော်မူထသော-

၃။ ဇမ္ဗူ့ကျက်သရေ၊ ချက်ဗွေဘူမိ၊ အပရာဇိခရိုင်၊ ညောင်မဏ္ဍိုင်ကို၊ စိုးပိုင်တော်မူအံ့သော ကာလနှိုက်၊ ကာမလောကဓာတ်၊ ခုနစ်ရပ်လုံး၊ ဆတ်ဆတ်လှိုက်ခုန်၊ တုန်ဘနန်းမျှ၊ သန်းအကုဋေ၊ နတ်ဗိုလ်ခြေနှင့်၊ မိုးမြေကြည်းဟည်း၊ ပဲ့တင်တီးအောင်၊ ဖျက်ဆီးလုယက်လာသော၊ မေခလာဂီရိ၊ တောင်တရှိမျှ၊ ပြောင်ကြီးသေဌ်နင်း၊ မာရ်နတ်မင်းကို၊ ဖြည့်တင်းတော်မူခဲ့သော ပါရမီဉာဏ်၊ ကံသမ္ဘာရှိန်၊ ၀ရဇိန်လျှံပြောင်၊ ရွှေဘုန်းရောင်ဖြင့်၊ မှောင်မ၀င်ခင်၊ အောင်မြင်တော်မူစေ၍၊ ကိလေသာစက်၊ သုံးထောင်ဝက်ကို၊ ဖြိုဖျက် တိုက်လှန်ခြင်းငှာ၊ အာနာပါန ဘာဝနာဖြင့်၊ ရူပါဝစရ၊ အရူပါဝစရ၊ စတုတ္ထ သမာပတ်တို့ကို၊ အာဝဇ္ဇန၀သီ၊ သမာပဇ္ဇန၀သီ၊ ပစ္စဝေက္ခဏ၀သီ၊ အဓိဌာန၀သီ၊ ၀ုဌာန၀သီတည်းဟူသော၊ ၀သီဘော်ငါးတန်ဖြင့်၊ အဖန်ဖန်လေ့လာတော်မူပြီးလျှင်၊ ရှေးတီးကာလ၊ ဘ၀ရှည်ကျူး၊ ဖြစ်ဖူးသမျှ၊ ဒေသရပ်ရွာ၊ ခန္ဓာပင်စည်၊ အမည်အမျိုးစသော၊ ပရမတ် ပညတ်တို့ကို၊ တပ်အပ်သိနိုင်စွမ်းသော ပုဗ္ဗေနိဝါသဉာဏ်။ သုံးတန်ဘုံသား၊ အများသတ္တ၊ ဝေနေယျတို့၏၊ ကမ္မဂတိ၊ စုတိပဋိသန်၊ လားရန်ဌာနနှင့်တကွ၊ ဒူရပဋိစ္ဆန္န၊ သဏှသုခုမဖြစ်သော ရူပါရုံကို၊ အကုန်မြင်နိုင်စွမ်းသော ဒိဗ္ဗစက္ခုဉာဏ်။ လေးတန်သြဃ၊ အာသ၀နှင့်၊ ယောဂဂန္ထာ၊ လေးဖြာဥပါဒါန်၊ ခြောက်တန်နီဝရဏ၊ အနုသယ ခုနစ်အင်၊ သံယောဇဉ်ဆယ်တန်၊ ခြံရံလျက်သား၊ များစွာသော အကုသိုလ်၊ ဗိုလ်ခြေကွပ်ကဲ၊ သူရဲကိလေသာ၊ ထောင့်ငါးရာတို့ကို၊ စင်စွာပယ်ဖြတ်၊ အလွန်မြတ်သောကြောင့်၊ အရဟတ္တမဂ္ဂ၊ အမည်ရသော၊ အာသ၀က္ခယဉာဏ်။ ဤသုံးတန်သော ၀ိဇ္ဇာ၊ ခွဲစိတ်ဖြာသော်၊ ၀ိဇ္ဇာရှစ်ပါးနှင့်၊ ပြည့်စုံတော်မူသဖြင့်၊ သယမ္ဘူအထွတ်၊ လူတမွတ်ဟု၊ မချွတ်သမိုက်အပ်ထသော-

၎။ ပစ္စေကဗုဒ္ဓါ၊ ရဟန္တာဟူသမျှတို့၊ ရခြင်းငှာမထိုက်၊ သုံးတိုက်ဘုံသား၊ အများသတ္တ၊ ဝေနေယျ ပုဂ္ဂိုလ်တို့၏၊ အလိုဆန္ဒ၊ အာသယကိန်းဟန်ကို၊ ဧကန်သိမြင်နိုင်သော၊ အာသယာနုသယဉာဏ်။ ဣနြေ္ဒရင့်မရင့်ကို၊ ထောက်ချင့်သိစွမ်းနိုင်သော ဣန္ဒြိယ ပရောပရိယတ္တိဉာဏ်။ ပရမတ်ပညတ်၊ အရပ်ရပ်လုံးစုံကို၊ အကုန်အစင်၊ သိမြင်နိုင်သော သဗ္ဗညုတဉာဏ်။ သခါင်္ရ၊ ၀ိကာရ၊ လက္ခဏ၊ နိဗ္ဗာန်၊ ပညတ်တည်းဟူသော ဉေ ယျဓံငါးအင်ကို၊ သိမြင်တော်မူရာ၌၊ ဆီးကာ ပိတ်ပင်ခြင်းမရှိသော အနာဝရဏဉာဏ်။ ယမိုက်ပြာဋိဟာ၊ လွှတ်ခြင်းအရာ၌၊ လေ့လာတော်မူနိုင်သော ယမကပါဋိဟာရိယဉာဏ်။ သနားထိုက်လှစွာသော၊ ဝေနေယျသတ္တ၀ါကို၊ လွန်စွာသနားတော်မူသော မဟာကရုဏာသမာပတ္တိဉာဏ်။ ဤခြောက်တန်သော ဆအသာဓာရဏ၊ ဉာဏလျှံပြောင်၊ မြတ်တန်ဆောင်ကို၊ ညှိထောင်ထွန်းစိုက်တော်မူသည်ဖြစ်၍၊ ဝေးနီးစကြ၀ဠာ၊ သမန္တာရပ်၊ လောကဓာတ်တို့ကို၊ ထုတ်ခတ်ထင်ထင်၊ ရှုမြင်တော်မူနိုင်သော ပသာဒစက္ခု၊ ဉာဏစက္ခု၊ ဒိဗ္ဗစက္ခု၊ ဗုဒ္ဓစက္ခု၊ သမန္တ စက္ခုတည်းဟူသော မျက်စိတော် ငါးလုံးဖြင့်၊ အဆုံးမဲ့ မြင်တော်မူပြီးထသော-

၅။ ပလ္လင်အနိမိသ၊ စင်္ကမမှသည်၊ စတုတ္ထသတ္တာဟ၀ယ်၊ ရတနာရွှေအိမ်၊ ချမ်းရိပ်ငြိမ်နှိုက်၊ မွေ့သိမ်စံပယ်တော်မူကာ၊ အဘိဓမ္မာ ခုနစ်ကျမ်းတွင်၊ ပဌာန်းဒေသနာကို၊ လေ့လာဆင်ခြင်တော်မူသော၊ အာနုဘော်တော်ကြောင့်၊ အသွေးတော်အသားတော်၊ အရိုးတော်စု၊ ၀တ္ထုပသာဒိနြေ္ဒအလုံးမှ၊ ပြိုးပြုံးပြိုးပြက်၊ ရိုးရိုးရက်တောက်ပလျက်၊ နီလ၊ ပီတ၊ လောဟိတ၊ သြဒါတ၊ မဥ္ဖိဌ၊ ပဘာသရာ၊ မိလ္လာရည်လို၊ ဖိတ်ဖိတ်ယိုမျှ၊ ညိုသောရောင်ခြည်တော်။ ဖဲကတ္တီပါ၊ ဂီဝါလျှပ်ပြေ၊ ရွှန်းရွှန်းဝေမျှ၊ ရွှေသောရောင်ခြည်တော်။ ကသစ်ခေါင်ရန်း၊ ပန်းကြက်မောက်ပီ၊ တွေးတွေးချီမျှ၊ နီသောရောင်ခြည်တော်။ သာခွာဘော်ကြူ၊ ဖွေးဖွေးလူသကဲ့သို့၊ ဖြူသောရောင်ခြည်တော်။ ပြာလျှံ ညိုလျှံ၊ ခိုလျှံစုပေါင်း၊ ရှုမညောင်းမျှ၊ မောင်းသောရောင်ခြည်တော်။ ထွန်းပေါ်ဝင်းဝင်း၊ ထိန်လင်းစက်စက်၊ လျှပ်စစ်လက်သကဲ့သို့၊ ပြိုးပြိုးပြက်သော ရောင်ခြည်တော်တည်းဟူသော ရောင်ခြည်တော်ခြောက်ဆိုင်ကို၊ တစ်ပြိုင်တည်းကွန့်မြူးစေလျက်၊ လ-နေအတိ၊ လျှံငြိပြောင်ပြောင်၊ ဗိမာန်ရောင်နှင့်၊ သောင်းထောင်စကြာဝဠာ၊ ထွန်းလင်းဖြာသော ဗြဟ္မာကြီးတို့၏ ကိုယ်ရောင်ကိုလျက်၊ နှိပ်စက်လွှမ်းမိုးနိုင်သော ကိုယ်တော်ရောင်တို့ဖြင့်၊ အထောင်အသောင်းသော လောကဓာတ်ကို၊ တလျှပ်လျှပ် ထွန်းလင်းတော်မူပြီးထသော-

၆။ ပရိဗိုဇ်တက္ကတွန်း၊ ရဟန်းရသေ့၊ မုနေ့အရည်း၊ ဦးပြည်းတပသီ၊ ဗေရာဂီတို့၏၊ ၀ါဒီအလိုက်၊ စရိုက်ဘာဝ၊ ကျင့်ဆောင်ကြသော၊ သာသနာ့ဗာဟီ၊ လောကီသီလတို့ထက်၊ ဆထက်ထောင်ရာ၊ သာလွန်ဘိသဖြင့်၊ အဓိသီလဟု သမုတ်အပ်သော၊ အာပတ်ခုနစ်ပုံကို၊ လုံခြုံစွာစောင့်ကြောင်းဖြစ်သော ပါတိမောက္ခသံဝရသီလ။ ဣနြေ္ဇခြောက်ပါးကို၊ တားမြစ်ပိတ်ပင်ကြောင်းဖြစ်သော ဣန္ဇြိယ သံဝရသီလ။ မိစ္ဆာဇီဝမှ ကြဉ်ခွာလျက် စင်ကြယ်စွာ အသက်မွေးကြောင်းဖြစ်သော အာဇီဝပါရိသုဒ္ဓိသီလ။ ပစ္စည်းလေးဖြာကို၊ ပစ္စဝေက္ခဏာတင်၍၊ ဆင်ခြင်သုံးသပ်ခြင်းတည်းဟူသော ပစ္စယသန္နိဿိတသီလ။ ဤလေးဝသော စတုပါရိ၊ သုဒ္ဓိတံခွန်၊ အလွန်ဖြူစင်၊ မြူမတင်ခြင်းတည်း ဟူသော သီလ၀ိသုဒ္ဓိ။ မဟဂ္ဂုတ်လောကုတ္တရာဈာန်၊ မြဲမြံစွာ လေ့လာခြင်းတည်းဟူသော စိတ္တ၀ိသုဒ္ဓိ။ ခြောက်ဆယ့်နှစ်ဖြာသော၊ မိစ္ဆာ၀ါဒီ၊ ၀ိတဏ္ဍီညစ်ကြေးမှ၊ ကင်းဝေးဖြူစင်လျက် အယူ၏ စင်ကြယ်ခြင်းတည်းဟူသော ဒိဌိဝိသုဒ္ဓိ။ တစ်ဆယ့်ခြောက်ပါးသော ယုံမှားသင်္ကာကို၊ ဖြတ်ခွာလွန်မြောက်နိုင်သော၊ ဉာဏ်၏ စင်ကြယ်ခြင်းတည်းဟူသော ကင်္ခါဝိတရဏ၀ိသုဒ္ဓိ။ မဂ်ဟုတ်သည် မဟုတ်သည်ကို မြင်နိုင်သော၊ ဉာဏ်၏ စင်ကြယ်ခြင်းတည်းဟူသော မဂ္ဂါမဂ္ဂဉာဏဒဿန ၀ိသုဒ္ဓိ။ မဂ်သို့ရောက်ကြောင်း၊ အကျင့်ကောင်းကို မြင်နိုင်သော၊ ဉာဏ်၏ စင်ကြယ်ခြင်းတည်းဟူသော ပဋိပဒါဉာဏ ဒဿန ၀ိသုဒ္ဓိ။ မဂ်လေးရပ်နှင့်၊ သဟဇာတ် သမ္ပယုတ်ဖြစ်၍၊ သစ္စာလေးတန်ကို၊ ဆယ့်ခြောက်နက်ဝေဖန်၍၊ ဧကန်သိမြင်နိုင်သော ဉာဏဒဿန ၀ိသုဒ္ဓိတည်းဟူသော ၀ိသုဒ္ဓိခုနစ်ပါး၊ တရားဘွဲ့ဖြူ၊ သရဖူမကိုဋ်၊ ဦးစိုက်မင်္ဂလာ၊ မြတ်တန်ဆာကို၊ တင့်တယ်စွာ ဆင်ယင်လျက်၊ တဒင်္ဂ၀ိမုတ္တိ၊ ၀ိက္ခ မ္ဘန၀ိမုတ္တိ၊ သမုစ္ဆေဒ၀ိမုတ္တိ၊ ပဋိပဿမ္ဘန ၀ိမုတ္တိ၊ နိဿရဏ၀ိမုတ္တိ တည်းဟူသော ၀ိမုတ္တိငါးရပ်၊ တရားမြတ်ကြောင့်၊ လောကဓာတ်အလုံး၊ ညွှတ်ကျုံးပူဇော်ရာ၊ အာဂါရမုနိ၊ အနာဂါရမုနိ၊ သေက္ခမုနိ၊ အသေက္ခမုနိ၊ ပစ္စေက မုနိတို့ထက်၊ ကဲတက်လွန်မြတ်စွာ၊ မုနိန္ဒာဘိပ၀ရ၊ အတုလမုနိလည်းဖြစ်တော်မူထသော-

၇။ ဂဂါင်္ဝါဠု၊ သဲစုမြူဟန်၊ ပမာတန်ကဲ့သို့၊ အနန္တဂူ၊ နိဗ္ဗာန်ယူကုန်သော၊ ဆူဆူမြတ်စွာ၊ စောသတ္ထာတို့၏၊ သွားရာလမ်းကြောင်း၊ စရိုက်ကောင်းမူလဖြစ်သော၊ သီလသံဝရ၊ ဣန္ဒြိယသံဝရ၊ ဘောဇနမတ္တညုတာ၊ ဇာဂရိယာနုယောဂ၊ သဒ္ဓါ၊ သတိ၊ ဟီရိ၊ သြတ္တပ္ပ၊ ဗာဟုဿစ္စ၊ ၀ီရိယ၊ ပညာ၊ လေးဖြာဈာန်တည်းဟူသော စရဏတရား တစ်ဆယ့်ငါးပါးတို့ကို၊ အားသစ် ကျင့်ဆောင်တော်မူသဖြင့်၊ သယမ္ဘူတကာ၊ ပြည့်စုံရာသား၊ နာနာကုလတို့၏၊ ဝေါဟာရ သဒ္ဓါအနက်ကို၊ အချက်ကျသိနိုင်သော အတ္ထပဋိသမ္ဘိဒါ။ ၀ါစာဂီရတ်၊ နှုတ်သံလွှတ်က၊ ဇာတ်တူတူ မတူတူ၊ ဘာသာဟူသမျှတို့က၊ ဧကန္တ သိနိုင်သော ဓမ္မပဋိသမ္ဘိဒါ။ တစ်ခုတစ်ခုသော ပုဒ်အက္ခရာကို၊ သဒ္ဒါ၏အလို၊ ၀ိဂြိုလ်, ၀စနတ်, ဓာတ်, ပစ္စည်း, လိင်အန် ဖြင့်၊ ဝေဖန်၍သိနိုင်သော နိရုတ္တိပဋိသမ္ဘိဒါ။ ကိုယ်တိုင်သိသမျှ တရားတို့ကို၊ သူတစ်ပါးသိစိမ့်သောငှာ၊ သဒ္ဒါပညတ်သို့တင်၍၊ စုံလင်စွာ မြွက်ဆိုတတ်သော ပဋိဘာနပဋိသမ္ဘိဒါတည်းဟူသော သမ္ဘိဒါလေးပါး။ ဣဒ္ဓိဝိဓ၊ ဒိဗ္ဗစက္ခု၊ ဒိဗ္ဗသောတ၊ စေတောပရိယ၊ ပုဗ္ဗေနိဝါသာနုဿတိ၊ ယထာကမ္မုပဂ၊ အနာဂတံသတည်းဟူသော အဘိညာဉ်ခုနစ်ပါး။ ရူပဈာန်လေးရပ်၊ အရူပဈာန်လေးရပ်အားဖြင့်၊ သမာပတ်ရှစ်ပါး။ ကျေးဇူးတော်တစ်ဆယ့်ရှစ်ပါး။ ထူးပြားဆန်းကြယ်၊ အံ့ဖွယ်တော် တစ်ဆယ့်ရှစ်စုံ။ ထိုမျှဂုဏ်ကို၊ ဥဿုံ စိုးပိုင်တော်မူပြီးထသော-

၈။ ဒေ၀ပုတ္တမာရ်၊ ကိလေသမာရ်၊ ခန္ဓမာရ်၊ မစ္စုမာရ်၊ အဘိသခါင်္ရမာရ် ဤငါးတန်တို့ကို၊ တိုက်လှန်ဖြိုခွဲ၍၊ အောင်ပွဲယူနိုင်၊ ရဲခေါင်တိုင်သော၊ ကာယာနုပဿနာ သတိပဌာန်၊ ဝေဒနာနုပဿနာ သတိပဌာန်၊ စိတ္တာနုပဿနာ သတိပဌာန်၊ ဓမ္မာနုပဿနာ သတိပဌာန်တည်းဟူသော သတိပဌာန်လေးပါး။ ဖြစ်ပြီးသော အကုသိုလ်တရားတို့ကို ပယ်ခြင်း၊ မဖြစ်သေးသော အကုသိုလ်ကံကို တစ်ဖန် အသစ်မဖြစ်စေခြင်း၊ မဖြစ်သေးသော ကုသိုလ်တရားတို့ကို ဖြစ်ပွားအောင် လုံ့လပြုခြင်း၊ ဖြစ်ပြီးသော ကုသိုလ်တရားတို့ကို ကြီးပွားစည်ပင်စိမ့်သောငှာ၊ လွန်စွာလုံ့လပြုခြင်းတည်းဟူသော သမ္မပ္ပဓာန် လေးပါး။ ဆန္ဒိဒ္ဓိပါဒ်၊ ၀ီရိယိဒ္ဓိပါဒ်၊ စိတ္တိဒ္ဓိပါဒ်၊ ၀ီမံသိဒ္ဓိပါဒ်တည်းဟူသော ဣဒ္ဓိပါဒ်လေးပါး။ သဒ္ဓိနြေ္ဒ၊ ၀ီရိယိနြေ္ဒ၊ သတိနြေ္ဒ၊ သမာဓိနြေ္ဒ၊ ပညိနြေ္ဒတည်းဟူသော ဣနြေ္ဒငါးပါး။ သဒ္ဓါဗိုလ်၊ ၀ီရိယဗိုလ်၊ သတိဗိုလ်၊ သမာဓိဗိုလ်၊ ပညာဗိုလ်တည်းဟူသော ဗိုလ်ငါးပါး။ သတိသမ္ဗောဇ္ဈင်၊ ဓမ္မ၀ိစယသမ္ဗောဇ္ဈင်၊ ၀ီရိယသမ္ဗောဇ္ဈင်၊ ပီတိသမ္ဗောဇ္ဈင်၊ ပဿဒ္ဓိသမ္ဗောဇ္ဈင်၊ သမာဓိသမ္ဗောဇ္ဈင်၊ ဥပေက္ခာသမ္ဗောဇ္ဈင်တည်းဟူသော ဗောဇ္ဈင်ခုနစ်ပါး။ သမ္မာဒိဌိ၊ သမ္မာသင်္ကပ္ပ၊ သမ္မာဝါစာ၊ သမ္မာကမ္မ န္တ၊ သမ္မာအာဇီဝ၊ သမ္မာဝါယာမ၊ သမ္မာသတိ၊ သမ္မာသမာဓိတည်းဟူသော မဂ္ဂင်ရှစ်ပါး။ ဤသို့အားဖြင့်၊ ပိုင်းဖြားတွက်ဖွဲ့၊ သုံးဆယ့်ခုနစ်ရပ်၊ အလွန်မြတ်သော၊ ဗောဓိပက္ခိယ၊ ဓမ္မအကျော်၊ ရဲမက်တော်တို့ကို၊ ကိုယ်ရံတော်ကြီး၊ ဦးစီးဗိုလ်ချုပ်တင်လျက်၊ အသင်္ချေချေ၊ တွက်ရေမဆုံး၊ ပတ်ကုံးကိလေသာ၊ မာရ်ဗိုလ်ပါတို့ကို၊ ဆံလွှာမကြွင်းအောင်၊ ခုတ်စဉ်းတိုက်သိမ်း၊ အငြိမ်းအောင်မြင်တော်မူသဖြင့်၊ အသင်္ခတ၊ ခေမရွှေဘုံ၊ ဓမ္မာရုံသဘင်၊ မြိုက်နန်းခွင်၌၊ ဥကင်စွင့်စွင့်၊ ဖွင့်တော်မူပြီးထသော-

၉။ လေးအသင်္ချေ၊ လွန်လေတစ်သိန်း၊ တွက်ကိန်းများလှ၊ ကပ်ထိုမျှ၌၊ လုံ့လကြိုးပမ်း၊ ဖြည့်စွမ်းဆည်းပူးတော်မူခဲ့သော ဒါနပါရမီ၊ သီလပါရမီ၊ နိက္ခမပါရမီ၊ ပညာပါရမီ၊ ၀ီရိယပါရမီ၊ ခန္တီပါရမီ၊ သစ္စာပါရမီ၊ မေတ္တာပါရမီ၊ အဓိဌာန်ပါရမီ၊ ဥပေက္ခာပါရမီ၊ ဆယ်လီသုံးစုံ၊ ကုသိုလ်ဟုန်ကြောင့်၊ လူ့ဘုံစံပျော်၊ အလောင်းတော် ဖြစ်ခါစပင်၊ ကာဠာဝက၊ ဂင်္ဂေယျနှင့်၊ ပဏ္ဍရ၊ တမ္ဗ၊ ပိင်္ဂလ၊ ဂန္ဓ၊ မင်္ဂလ၊ ဟေမ၊ ဥပေါသထ၊ ဆဒ္ဒန်၊ ဤဆယ်တန်သော ဆင်မျိုးတို့၏ ဆယ်ဆတက် ဆယ်ဆတက် စီသော အားကိုဆောင်နိုင်သည်ဖြစ်၍၊ ယောက်ျားဗိုလ်ခြေ၊ ကုဋေတစ်သောင်းတို့၏၊ ကာယဗလ၊ ဌာနာဌာန ကောသလ္လဉာဏ်၊ ၀ိပါကဉာဏ်၊ သဗ္ဗတ္ထဂါမိနီဉာဏ်၊ နာနာဓာတုဉာဏ်၊ အဓိမုတ္တိဉာဏ်၊ ဣနြ္ဒိယပရောပရိယတ္တိဉာဏ်၊ ဈာနာဒိသံကိလေသဉာဏ်၊ ပုဗ္ဗေနိဝါသဉာဏ်၊ ဒိဗ္ဗစက္ခုဉာဏ်၊ အာသ၀က္ခယဉာဏ်တည်းဟူသော ဆယ်ပါးသော ဉာဏဗလကို ရတော်မူသည်ဖြစ်၍၊ လူ့ပြည်နတ်ရပ်၊ ခေတ်သုံးထပ်ကို၊ အုပ်ကွပ်စိုးပိုင်၊ နိုင်တော်မူခြင်းတည်းဟူသော ဣဿရိယဘုန်းတော်။ လောကုတ္တရာတရား၊ မြတ်ကိုးပါးသို့၊ ထင်ရှားစွာရောက်ခြင်းတည်းဟူသော ဓမ္မဘုန်းတော်။ နရက်ဘ၀ဂ်၊ အောက်ထပ်ပျံ့လှိုင်၊ သုံးခရိုင်၌၊ အဆုံးတိုင် ကျော်စောတော်မူခြင်းတည်းဟူသော ယသဘုန်းတော်။ သုံးဆယ့်နှစ်ပါး၊ သမိုက်ထားသော၊ ယောက်ျားမြတ်တို့၏ လက္ခဏာ၊ ရောင်ဝါမြုတေ၊ ကျက်သရေအပေါင်းနှင့် ပြည့်စုံတော်မူခြင်းတည်းဟူသော သီရိဘုန်းတော်။ အလိုတော်ရှိသမျှ၊ တစ်ခဏခြင်းဖြင့်သာ၊ ပြည့်စုံလာခြင်းတည်းဟူသော ကာမဘုန်းတော်။ နိဗ္ဗာန်ရောက်ရာ၊ ဒေသနာဖြင့်၊ ဗြဟ္မာနတ်လူ၊ သုံးဘုံသူတို့ကို၊ ကြည်ဖြူစွာလှ၊ သင်ဆုံးမသောကြောင့်၊ လောကလုံးကိုးကွယ်ရာ၊ ဆရာအဖြစ်သို့ ရောက်တော်မူခြင်းတည်းဟူသော ပယတ္တဘုန်းတော်။ ဤခြောက်ဖော်သော၊ ဘုန်းတော်အမြတ်၊ ဂုဏ်အရဟတ်ဖြင့်၊ လောကဓာတ်လုံး၊ ညွှတ်ရုံးညီကာ။ ကောင်းချီးငြာလျက်၊ ဘဂ၀ါဟူသော ဘွဲ့ပုံတော်အထူးဖြင့်၊ ညွှတ်နူးကော်ရော်၊ ပူဇော်ချီးပအပ်သည်လည်း ဖြစ်ထသော-

၁၀။ အဍ္ဎဆက္ကသတ၊ ဇာတကကို၊ ပုံပြသက်သေခံလျက်၊ အနန္တဘ၀၊ ဖြစ်ဖြစ်သမျှတို့၌၊ ဓနပရိစ္စာဂ၊ ပုတ္တပရိစ္စာဂ၊ ဘရိယပရိစ္စာဂ၊ အင်္ဂပရိစ္စာဂ၊ ဇီဝိတပရိစ္စာဂတည်းဟူသော စွန့်ခြင်းကြီးငါးအင်ကို၊ မဂ္ဂင် ဖောင်ပျံ၊ စံလိုသူအပေါင်းတို့ထက်၊ ကဲဆောင်းလွန်မောက်၍၊ အထောက်မတန် ပြုခဲ့သော၊ ဟေတုသမ္ပဒါ၊ မြတ်သမ္ဘာကြောင့်၊ အနိမာ၊ လင်္ဃိမာ၊ မဟိမာ၊ ပတ္တိမာ၊ ကမ္မ၊ ဤသိတာ၊ ၀သိတာ၊ ယတ္ထကာမ၀သယိတာ ဟူသော ဘာသာမဂဓို၊ ရာဇဂြိုလ် ဥဒါန်းနှင့် အညီ၊ ရံသီနေပြောက်၊ ပြတင်းပေါက်၌၊ မြင်လောက်ရုံသော၊ အဏုမြူပမာ၊ သိမ်မွေ့စွာသောကိုယ်တော်ကို၊ ငယ်အောင်ဖန်ဆင်းတော်မူနိုင်ခြင်း။ ရေပြင်မြေမိုး၊ ပျံလျှိုးငုပ်လွှား၊ သွားတော်မူနိုင်ခြင်း။ ကြီးစေလိုက၊ မြင်းမိုရ်ပြန်ရာ၊ ထို့ထက်သာ၍၊ စကြာဝဠာတိုက်လုံး၊ အုပ်ဖုံးပတ်လှည့်၊ ကိုယ်တော်ပြည့်အောင်၊ တရှိထိုင်တော်မူနိုင်ခြင်း။ မြေထုရေထု၊ မေရုပဗ္ဗတာ သီလာတောင်ထပ်၊ အတွင်းရပ်ကို၊ ကျဉ်းကျပ် ပိတ်ဆီးခြင်းမရှိ၊ ပကတိကောင်းကင်၊ ဟင်းလင်းပြင်ကဲ့သို့၊ လျှိုးဝင်ထွင်းဖောက်၊ ကြွရောက်တော်မူနိုင်ခြင်း။ မနောဓိဌာန်၊ စိတ်တော်ကြံတိုင်း၊ ကမ္မာကမ္မ၊ ဟူသမျှကို၊ ကုံငပြီးမြောက်တော်မူနိုင်ခြင်း။ သုံးဆယ့်တစ်ဘုံ၊ အလုံးစုံကို၊ ဥဿုံစိုးပိုင်တော်မူနိုင်ခြင်း။ လောကီဈာန်ရပ်၊ သမာပတ်ကို၊ မပြတ်ဝင်ကာ၊ လိုတိုင်းပါအောင်၊ လေ့လာတော်မူနိုင်ခြင်း။ သက်မရှိသည့်၊ ဂီရိဗဟို၊ တောင်မြင်းမိုရ်မှလည်း၊ လိုတော်လိုက်ကာ၊ ညွှတ်ငိုက်လာရခြင်းတည်းဟူသော တန်ခိုးတော်ရှစ်ဦး၊ ဘုန်းတော်ထူးဖြင့်၊ အံ့ကျူးပြီးပိုင်၊ မချီးနိုင်၍၊ တစ်ပြိုင်တည်လျက်၊ တစ်ပြိုင်ပျက်သော စကြာဝဠာတိုက်နေ၊ သိန်းကုဋေလုံး၊ ရွှေမုဌာန်စွမ်း၊ အာဏာလွှမ်း၍၊ ထဲဝမ်းစိမ့်စိမ့်၊ ကြက်သီးဖိမ့်မျှ၊ ခြိမ့်ခြိမ့်ကြွေးကြော်၊ ပူဇော်ကြရာ၊ သုံးရွာလုံး တန်ဆောင်၊ မင်းခေါင် မင်းဖျား၊ မင်းတရားအစစ်လည်း ဖြစ်တော်မူထသော-

၁၁။ လောကသုံးရွာ၊ သတ္တ၀ါတို့၏၊ ခန္ဓာရုပ်နာမ်ဝယ်၊ အဖန်ဖန်ကပ်ငြိလျက်၊ ဖိစီးနှိပ်စက်တတ်သော၊ ပီဠနအနက်။ ကံ၊ စိတ်၊ ဥတု၊ အာဟာရတည်းဟူသော အကြောင်းတရားလေးပါးတို့သည်၊ ပြုပြင်စီရင်အပ်သော သင်္ခတအနက်။ မရောင့်ရဲစွာ၊ သတ္တ၀ါတို့ကို လောင်ဆာပူပန်စေတတ်သော သန္တာပအနက်။ ဇရာ၊ မရဏ၊ သောက၊ ပရိဒံ တို့ဖြင့်၊ ဖောက်ပြန်ပျက်စီးတတ်သော ၀ိပရိဏာမအနက်တည်းဟူသော လေးပါးသော ဒုက္ခသစ္စာ၏ အနက်တို့ကိုလည်းကောင်း။ အစမထင်၊ သင်္သရာ၌၊ လူးလာစုန်ဆန်၊ အဖန်ဖန် သွားလာစေခြင်းငှာ၊ အားထုတ်တတ်သော၊ အာယူဟနအနက်။ ၀ဋ်ဆင်းရဲအပေါင်း၏ အကြောင်းမူလဖြစ်သော၊ နိဒါနအနက်။ ၀ဋ်ဆင်းရဲ၌၊ အမြဲပျော်ရွှင်၊ တမင်မင်ဖြင့်၊ ကျင်လည်စေတတ်သော သံယောဂအနက်။ ၀ဋ်ဆင်းရဲမှ ထွက်မြောက်ကြောင်းဖြစ်သော၊ မဂ္ဂသစ္စာကို၊ ဆီးကာ တားမြစ်တတ်သော ပလိဗောဓ အနက်တည်းဟူသော လေးပါးသော သမုဒယသစ္စာ၏ အနက်တို့ကိုလည်းကောင်း။ သံသရာဝဋ်မှ၊ ထွက်လွတ် ကူးမြောက်ပြီးသော နိဿရဏအနက်။ သခါင်္ရတို့မှ ဆိတ်သော ၀ိဝေကအနက်။ ပြုပြင်ခြင်းကင်းသော အသင်္ခတအနက်။ သေခြင်းစသော ဒုက္ခခပ်သိမ်းမှ၊ ကင်းငြိမ်းချမ်းသာသော အမတအနက်တည်းဟူသော လေးပါးသော နိရောဓ သစ္စာ၏ အနက်တို့ကိုလည်းကောင်း၊ ၀ဋ်ဒုက္ခအပေါင်းတို့မှ ကောင်းစွာထွက်မြောက်တတ်သော နိယျာနိကအနက်။ နိဗ္ဗာန်ကိုမြင်တတ်သော ဒဿနအနက်။ သခါင်္ရတရားမျိုးတို့ကို အစိုးရသော အဓိပတေယျ အနက်တည်း ဟူသော လေးပါးသော မဂ္ဂသစ္စာ၏ အနက်တို့ကိုလည်းကောင်း။ အကြောင်းအကျိုးအားလျော်စွာ၊ လေးသစ္စာတို့ကို၊ ဒဿနာကာရဖြင့်၊ သောဠသဝေဖန်၍၊ ရွှေဉာဏ်ထင်ထင်၊ ရွှေလက်တင် ပတ္တမြားကဲ့သို့၊ ပိုင်းခြားသိမြင်တော်မူသည့်အလျောက်၊ အထောက် အခံ၊ ကံဉာဏ် ကြီးရင့်၊ ပွင့်ထိုက်သော သတ္တ၀ါ၊ ဝေနေယျာတို့ကို၊ ပွင့်ပါစေနှလုံးဖြင့်၊ စွေချုန်းထစ်ကြိုး၊ ရှစ်ကိုးနယ်ကုန်၊ သုန်သုန်ပြင်းဝှန်၊ ရွာဖျန်းသွန်သော၊ မေဃ၀န်တမျှ၊ ဓမ္မဘေရီ၊ မေဒနီကို၊ နာရီမလပ်၊ လူနှင့်နတ်အား၊ မပြတ်တိုက်ကျွေး၊ ပေးတော်မူတတ်သော သုံးရပ်လုံးဆရာ၊ ဒေ၀ါဓိ ဒေ၀ိန္ဒ၊ ဗြဟ္မာဓိဗြဟ္မိန္ဒ၊ တိဘ၀ပါရဂူ၊ အဘိဘူပါမောက္ခ၊ အနုတ္တရ သင်းကျစ်၊ မဟာဓမ္မရာဇ်၊ မြတ်ရှင်ချစ်ကို၊ အဟံ၊ အကျွန်ုပ်သည်၊ ၀န္ဒေ ၀န္ဒာမိ၊ လက်စုံမိုး၍၊ ရှိခိုးပါ၏ဘုရား။ (၀န္ဒေ၀န္ဒာမိ၊ ဂုဏ်တော် ထုံမွှမ်း၊ ပုံတော်မှန်းလျက်၊ ချီးမွမ်းထောမနာ၊ ပဏာရိုကျိုး၊ လက်စုံမိုး၍၊ ရှိခိုးကန်တော့ပါ၏ အရှင်ဘုရား)

သုခီ အတ္တာနံ ပရိဟရ န္တု။

ခက်ဆစ်အဖြေ
အပိုဒ် ၁

အစိန္တေယျ = မကြံစည်နိုင်သော၊ ကြံတွေး မရနိုင်သော။

အပ္ပမေယျ = မနှိုင်းယှဉ်နိုင်သော။

သေဌ = လောကထက်မြတ်သော။

ဇေဌ = လောကထက်ကြီးသော။

အတုလ = တုဖက်ကင်းသော။

ပရမံ = မြတ်သော။

အရဟံ = ပူဇော်အထူးကို ခံထိုက်သော။

ဘဂ၀ါ = ဘုန်းခြောက်ပါးနှင့် ပြည့်စုံတော်မူသော။

သမ္မာသမ္ဗုဒ္ဓ = အလုံးစုံသောတရားကို မဖောက်မပြန် မှန်ကန်စွာ ကိုယ်တိုင် ထိုးထွင်း၍ သိသော။

အနုတ္တရ = မိမိထက် လွန်မြတ်သူ မရှိသော။

မာရဇိ = မာရ်ငါးပါးကို အောင်မြင်တော်မူသော။

တိလောကန္တဂူ = လောကသုံးပါး၏ အဆုံးသုို့ ရောက်တော်မူသော။

သယမ္ဘူ = တရားကို ကိုယ်တိုင် သိတော်မူသော။

ဘ၀ိဿရ = ဘ၀ကို စိုးမိုးတော်မူသော။

အသင်္ချေယျနာမတံဆိပ်= မရေမတွက်နိုင်သော အမည်တော် ဘွဲ့တံဆိပ်။

ဇမ္ဗူဒိပ် = ကျွန်းကြီး လေးကျွန်းအနက် ဇမ္ဗူဒီပါတောင်ကျွန်း။

ဘ၀ဂ် = သုံးဆယ့်တစ်ဘုံတွင် အထက်ဆုံးဘုံ။

ကာမရူပ၊ အရူပဟု သြကာသသုံးရပ် = ကာမဘုံ၊ ရူပဘုံ၊ အရူပဘုံ ဟူသော သတ္တ၀ါတို့ တည်နေရာ ဘုံကြီး သုံးရပ်။

လောကဓာတ် = စကြ၀ဠာ လောကကြီး။

သမိုက်အပ်သော = သမုတ်အပ်သော။

မဟာက၀ိန် = ပညာရှိကြီး။

သုခမိန် = ပညာရှိ။

ပညိနြေ္ဒ = ဉာဏ်ပညာ။

ကျေးဇူးတော်အပုံ = ကျေးဇူးတော် အများအပြား။


အပိုဒ် ၂

မကိုဋ်မင်္ဂလာ = ထူးခြားမွန်မြတ်သည့် မကိုဋ်သရဖူ။

ပထမာဒိက = အစဦးဆုံး။

ဘူမိပါလ = မင်း။ (ဤ၌ သမ္မတမင်းကို ဆိုလိုသည်။)

အာဒိစ္စဂိုဏ်း = နေမျိုးမှ ဆင်းသက်ပေါက်ဖွားလာသော။

သမ္မုတိဒေ၀ရာဇ် = မင်း။ မင်းကို သမ္မုတိနတ်ခေါ်သည်။

ဇာတိမဟတ္တဂုဏ် = အမျိုးဇာတ်အားဖြင့် ကြီးမြတ်သောဂုဏ်။

ပုညမဟတ္တဂုဏ် = ဘုန်းတော်အားဖြင့် ကြီးမြတ်သောဂုဏ်။

ဝသုန် = မြေ။

သေလာ = ကျောက်တောင်။

အဏ္ဏ၀ါ = သမုဒ္ဒရာ။

ဂုဏမဟတ္တဂုဏ် = ဂုဏ်အားဖြင့် ကြီးမြတ်သောဂုဏ်။

အပ္ပဋိပုဂ္ဂိုလ် = ယှဉ်ဘက်မရှိသော ပုဂ္ဂိုလ်။


အပိုဒ် ၃

ဇမ္ဗူ = ဇမ္ဗူဒီပါ လက်ယာတောင်ကျွန်း။

ချက်ဗွေဘူမိ = ဇမ္ဗူဒိပ်ကျွန်း၏ အလယ်ဗဟို။

အပရာဇိခရိုင် = အပ္ပရာဇိတပလ္လင်၊ ရန်သူတို့ မအောင်မြင်နိုင်သည့် နေရာထူး။

ညောင်မဏ္ဌိုင် = သဗ္ဗညုတ ဉာဏ်တော်၏ ကြည်ရာ ဖြစ်သော မဟာဗောဓိ ညောင်ပင်။

ကာမလောကဓာတ် = လူ့ဘုံ၊ နတ်ဘုံခြောက်ထပ် ဟူသော ကာမသုဂတိ ခုနစ်ဘုံ။

ကြည်းဟည်း = အသံကျယ်စွာ မြည်သည်။

မေခလာဂီရိ = မာရ်နတ်၏ ဂီရိမေခလာ မည်သောဆင်။

မာရ်နတ် = နှောင့်ယှက်ဖျက်ဆီးသည့်နတ်။

ပါရမီဉာဏ် = ပါရမီဆယ်ပါး ဉာဏ်တော်ကုသိုလ်။

ကံသမ္ဘာရှိန် = ကံအဆောက်အဦး အဟုန်။

ဝရဇိန် = မိုးကြိုးစက်။

ကိလေသာစက် = တစ်ထောင့်ငါးရာကိလေသာ။

သုံးထောင်ဝက် = သုံးထောင်၏ တစ်ဝက်။

အာနာပါနဘာဝနာ = ထွက်သက် ၀င်သက်ကို စီးဖြန်းသော ကမ္မဌာန်း။

ရူပါဝစရ၊ အရူပါဝစရ = ပထမဈာန်၊ ဒုတိယဈာန်၊ တတိယဈာန်၊ စတုတ္ထဈာန် ဟူသော ၀င်စားသည့် စတုတ္ထမာပတ် ဈာန်လေးပါး။

ဝသီဘော်ငါးတန် = ဈာန်ကို အထူးသဖြင့် နိုင်နင်းစေရန် အလေ့အကျင့်ပြုမှု ငါးမျိုး။

(၁) အာဝဇ္ဇန၀သီ = ထပ်ကာ ထပ်ကာ ဆင်ခြင်ခြင်း အလေ့အကျင့်။

(၂) သမာပဇ္ဇန၀သီ = ထပ်ကာ ထပ်ကာ ၀င်စားခြင်း အလေ့အကျင့်။

(၃) ပစ္စဝေက္ခဏာဝသီ = အဖန်ဖန် သုံးသပ်ခြင်း အလေ့အကျင့်။

(၄) အဓိဌာန၀သီ = ဈာန်မှထရန် ဆောက်တည်ခြင်း အလေ့အကျင့်။

(၅) ၀ုဌာန၀သီ = သတ်မှတ်ချိန်အတိုင်း ဈာန်မှထခြင်း အလေ့အကျင့်။

ရှေးတီးကာလ = ရှေးလွန်လေပြီးသောအခါ။

ပရမတ် = ရုပ်နာမ်တရား။

ပညတ် = အမည်။

ပုဗ္ဗေနိဝါသဉာဏ် = ရှေးက နေခဲ့ဖူးသည်ကို ပြန်သိသောဉာဏ်။

ဝေနေယျ = ကျွတ်ထိုက်သော သတ္တ၀ါ။

ကမ္မ = ကုသိုလ်ကံ၊ အကုသိုလ်ကံ။

ဂတိ = လားရာအရပ်။

စုတိ = သေခြင်း။

ပဋိသန် = မွေးဖွားခြင်း။

ဒူရ = ဝေးသော။

ပဋိ စ္ဆန္န = တစ်စုံတစ်ခုဖြင့် ဖုံးအုပ်ထားသော။

သဏှ = သိမ်မွေ့သော။

သုခုမ = အနုစိတ်ဖြစ်သော။

ဒိဗ္ဗစက္ခု = နတ်မျက်စိကဲ့သို့မြင်နိုင်သော ဉာဏ်။

သြ = ရေအလျဉ်နှင့်တူသော တရား၊ ကာမောဃ၊ ဘဝေါဃ၊ ဒိဌောဃ၊ အ၀ိဇ္ဇောဃဟု

လေးမျိုးရှိသည်။

အာသ၀ = ကြာမြင့်စွာ ထုံအပ်သည့် အရက်နှင့်တူသောတရား။ သြဃကဲ့သို့ ကာမ၊ ဘ၀၊ ဒိဌ၊

အ၀ိဇ္ဇာဟု လေးမျိုးရှိသည်။

ယောဂ = သံသရာဝဋ်ဒုက္ခနှင့် တွဲယှဉ်စေတတ်သောတရား။ အထက်ပါအတိုင်း

လေးမျိုးရှိသည်။

ဂ န္ထ = သံသရာဝဋ်ဒုက္ခ၌ ထုံးဖွဲ့တတ်သော တရား။ အဘိဇ္ဇာ၊ ဗျာပါဒ၊ သီလဗ္ဗတ ပရာမာသ၊

ဣဒံ သစ္စာဘိ နိဝေသ ဟူ၍ လေးမျိုးရှိသည်။

ဥပါဒါန် = ပြင်းထန် ခိုင်မြဲစွာ စွဲလမ်းတတ်သောတရား။ ကာမုပါဒါန်၊ ဒိဌုပါဒါန်၊ သီလဗ္ဗတုပါဒါန်၊

အတ္တ၀ါဒုပါဒါန် ဟူ၍ လေးမျိုးရှိသည်။

ခြောက်တန်နီဝရဏ = ကုသိုလ်တရားတို့ မဖြစ်ပေါ်ရအောင် ပိတ်ဆီးတားမြစ်တတ်သော တရားခြောက်ပါး။

ကာမ စ္ဆန္ဒ၊ ဗျာပါဒ၊ ထိနမိဒ္ဓ၊ ဥဒ္ဓစ္စကုက္ကုစ္စ၊ ၀ိစိကိ စ္ဆာ၊ အ၀ိဇ္ဇာဤခြောက်မျိုးဖြစ်သည်။

အနုသယခုနစ်အင် = မဖြစ်ပေါ်သေးဘဲ စိတ် သ န္တာန်၌ ကိန်းနေသော တရားခုနစ်မျိုး။ ကာမရာဂ၊

ဘ၀ရာဂ၊ ပဋိဃ၊ မာန၊ ဒိဌိ၊ ၀ိစိကိ စ္ဆာ၊ အ၀ိဇ္ဇာ ဤခုနစ်မျိုး ဖြစ်သည်။

သံယောဇဉ်ဆယ်တန် = သတ္တ၀ါတို့ကို သံသရာစက်မှ မထွက်နိုင်အောင် ဖွဲ့နှောင်ဆွဲတွယ်တတ်သော

တရားဆယ်ပါး။ ကာမရာဂ၊ ရူပရာဂ၊ အရူပရာဂ၊ ပဋိဃ၊ မာန၊ ဒိဌိ၊ သီလဗ္ဗတ

ပရာမာသ၊ ၀ိစိကိ စ္ဆာ၊ ဥဒ္ဓစ္စ၊ အ၀ိဇ္ဇာ ဤဆယ်မျိုး ဖြစ်သည်။

ကိလေသာ = စိတ်ကို ညစ်နွမ်းစေတတ် ပူလောင်စေတတ်သော တရား။ လောဘ၊ ဒေါသ၊

မောဟ၊ မာန၊ ဒိဌိ၊ ၀ိစိကိ စ္ဆာ၊ ထိန၊ ဥဒ္ဓစ္စ၊ အဟိရိက၊ အနောတ္တပ္ပ ဟူ၍

ကိလေသာဆယ်ပါး။

ထောင့်ငါးရာကိလေသာ= လောကီစိတ် -၁။ စေတသိက် -၅၂၊ ပေါင်း နာမ်တရား -၅၃။ နိပ္ဖန္နရုပ် -၁၈၊

လက္ခဏရုပ် -၄၊ ပေါင်း ရုပ်တရား -၂၂။ နာမ်ရုပ် နှစ်ရပ်ပေါင်း ၇၅။ ယင်းကို

အဇ္ဈတ္တဗဟိဒ္ဓ သ န္တာန် နှစ်ပါးနှင့်မြှောက် -၁၅၀။ ယင်း ၁၅၀ - သည်

အားလုံးကိလေသာ ဆယ်ပါး၏ အာရုံဖြစ်နိုင်သောကြောင့် ကိလေသာ ၁၀-ပါး

နှင့် မြှောက်၊ ၁၅၀ x ၁၀ = ၁၅၀၀ ဖြစ်၏။

အရဟတ္တမဂ္ဂ = မဂ်လေးပါးတွင် အထွတ်အထိပ် ဖြစ်သောမဂ်။

အာသ၀က္ခယဉာဏ် = အာသဝေါတရား ကုန်ရာဖြစ်သောဉာဏ်။

ဝိဇ္ဇာသုံးပါး = ပုဗ္ဗေနိဝါသဉာဏ်၊ ဒိဗ္ဗစက္ခုဉာဏ်၊ အာသ၀က္ခယဉာဏ်။

ဝိဇ္ဇာရှစ်ပါး = ၁-ပုဗ္ဗေနိဝါသဉာဏ်၊ ၂-ဒိဗ္ဗစက္ခုဉာဏ်၊ ၃-အာသ၀က္ခယဉာဏ်၊ ၄-နတ်၏နားကဲ့သို့

ကြားနိုင်သော ဒိဗ္ဗသောတ အဘိညာဉ်၊ ၅-သူတစ်ပါးစိတ်ကို သိနိုင်သော

ပရစိတ္တ၀ိဇာနန အဘိညာဉ်၊ ၆-တန်ခိုး အမျိုးမျိုး ဖန်ဆင်းနိုင်သော ဣဒ္ဓိဝိဓ

အဘိညာဉ်၊ ၇-စိတ် အလိုအတိုင်း ပြီးနိုင်သော မနောမယိဒ္ဓိ။ ၈-၀ိပဿနာဉာဏ်။

လူတမွတ် = လူတွင်အမြတ်။


အပိုဒ် ၄

အာသယကိန်းဟန် = ကိန်းအောင်းနေသောအလို။

အာသယာနုသယဉာဏ် = သတ္တ၀ါတို့၏ အလိုကို သိသောဉာဏ်။

ဣနြေ္ဒရင့်မရင့် = ပါရမီဓာတ်ခံ ရင့်မရင့်။

ဣန္ဒြိယပရော ပရိယတ္တိဉာဏ် = ကျွတ်ထိုက်သော သတ္တ၀ါတို့၏ ပါရမီဓာတ်ခံ ရင့်မရင့်ကို သိသောဉာဏ်။

သဗ္ဗညုတဉာဏ် = အလုံးစုံကို အကုန်အစင် သိသောဉာဏ်။

သခါင်္ရ = အကြောင်းတရားတို့ ပြုပြင်အပ်သည့် ရုပ်နာမ်တရား။

ဝိကာရ = ရုပ်နာမ်တရားတို့၏ အခြင်းအရာ။

လက္ခဏ = ရုပ်နာမ်တရားတို့၏ လက္ခဏာ။

နိဗ္ဗာန် = ၀ဋ်ဆင်းရဲ ငြိမ်းအေးမှု။

ပညတ် = ခေါ်ဝေါ် သမုတ်သည့် အမည်အမျိုးမျိုး။

ဉေ ယျဓံ = သဗ္ဗညုတဉာဏ်ဖြင့် သိအပ်သော တရားငါးပါး။ သခါင်္ရ၊ ၀ိကာရ၊ လက္ခဏ၊

နိဗ္ဗာန်၊ ပညတ်။

အနာဝရဏဉာဏ် = အပိတ်အပင် အဆီးအတားမရှိ မြင်သိသောဉာဏ်။

ယမိုက်ပြာဋိဟာ = ရေ၊ မီး အစုံ အစုံ ထွက်စေသော တန်ခိုး။

ယမကပါဋိဟာရိယဉာဏ် = ရေ၊ မီး အစုံ အစုံ ထွက်စေသည့် တန်ခိုးပြာဋိဟာကို

ဖြစ်စေတတ်သောဉာဏ်။

မဟာကရုဏာသမာပတ္တိဉာဏ် = လွန်စွာကြီးမားသည့် ကရုဏာတော်ကို ၀င်စားသည့်ဉာဏ်။

ဆအသာဓာရဏဉာဏ် = အခြားပုဂ္ဂိုလ်များနှင့် မဆက်ဆံသော မြတ်စွာဘုရား၌သာရှိသည့်

ဉာဏ်တော်ခြောက်ပါး။

၁-အာသယာနုသယဉာဏ်၊

၂-ဣန္ဒြိယ ပရောပရိယတ္တိဉာဏ်၊

၃-သဗ္ဗညုတဉာဏ်၊

၎-အနာဝရဏဉာဏ်၊

၅-ယမကပါဋိဟာရိယဉာဏ်၊

၆-မဟာကရုဏာ သမာပတ္တိဉာဏ်။

စကြာဝဠာ = ကမ္ဘာလောကဓာတ်။

သမန္တာရပ် = ထက်ဝန်းကျင်ရပ်။

ပသာဒစက္ခု = ပကတိမျက်စိ၊ ဓမ္မစက္ခုလည်း ဆိုသည်။ အောက်မဂ်ဉာဏ်။

ဉာဏစက္ခု = ဉာဏ်မျက်စိ။ အရဟတ္တမဂ်ဉာဏ်။

ဒိဗ္ဗစက္ခု = နတ်မျက်စိကဲ့သို့မြင်သော ဉာဏ်မျက်စိ။

ဗုဒ္ဓစက္ခု = အာသယာနုသယဉာဏ်နှင့် ဣန္ဒြိယ ပရောပရိယတ္တိဉာဏ်။

သမ န္တစက္ခု = သဗ္ဗညုတဉာဏ်။


အပိုဒ် ၅

ပလ္လင် = ဘုရားဖြစ်ရာ အပရာဇိတပလ္လင်။

အနိမိသ = ပလ္လင်တော်ကို မမှိတ်သောမျက်စိဖြင့် ခုနစ်ရက်တိုင်တိုင်

ရပ်၍ ရှုစားတော်မူရာဌာန ( အနိမိသ သတ္တာဟ )။

စင်္ကမ = ခုနစ်ရက်ပတ်လုံး စင်္ကြံကြွရာ ဌာန (စင်္ကမ သတ္တာဟ)။

စတုတ္ထသတ္တာဟ = လေးပတ်မြောက် ရက်သတ္တပတ်။

ရတနာရွှေအိမ် = ရတနာရ သတ္တာဟ။

အဘိဓမ္မာခုနစ်ကျမ်း = ၁-ဓမ္မသင်္ဂဏီ၊ ၂-၀ိဘင်း၊ ၃-ဓာတုကထာ၊ ၄-ပုဂ္ဂလပညတ်၊

၅-ကထာဝတ္ထု၊ ၆-ယမိုက်၊ ၇-ပဌာန်း။

ဝတ္ထုပသာဒိနြေ္ဒ = အထည်ကိုယ်ဒြပ် ဖြစ်သည့် တစ်ကိုယ်လုံး။

နီလ = အညို။

ပိတ = အ၀ါ၊ အရွှေ။

လောဟိတ = အနီ။

သြဒါတ = အဖြူ။

မဉ္ဇိဌ = အနီနု။

ပဘာသရာ = ပြိုးပြိုးပြက်။

ဂီဝါ = ရွှေ။

သာခွာ = ဘော်ငွေ။


အပိုဒ် ၆

ပရိဗိုဇ် = သာသနာ့ပြင်ဘက် ရဟန်းတစ်မျိုး။

တက္ကတွန်း = သာသနာ့ပြင်ဘက် ရဟန်းတစ်မျိုး။

မုနေ့ = သူမြတ်။

အရည်း = ရသေ့ရဟန်း။

ဦးပြည်း = ခေါင်းတုံးရိတ်ထားသော ရသေ့ရဟန်း။

တပသီ = ရသေ့တစ်မျိုး။

ဗေရာဂီ = သာသနာပ ရသေ့တစ်မျိုး။

ဝါဒီ = အယူဝါဒရှိသူ။

စရိုက်ဘာဝ = အပြုအမူ အလေ့အကျင့်။

သာသနာ့ဗာဟီ = သာသနာတော်ပြင်ဘက်။

အဓိသီလ = လွန်ကဲသောသီလ။

အာပတ်ခုနစ်ပုံ = ၁-ပါရာဇိက၊ ၂-သာံ ဒိသိသ်၊ ၃-ထုလ္လစ္စဉ်း၊ ၄-ပါစိတ်၊

၅-ပါဋိဒေသနီ၊ ၆-ဒုက္ကဋ်၊ ၇-ဒုဗ္ဘာသီ။

ပါတိမောက္ခသံဝရ = ရဟန်းကျင့်ဝတ် ပါတိမောက် သိက္ခာပုဒ်ကို စောင့်စည်းခြင်း။

ဣနြေ္ဒခြောက်ပါး = မျက်စိ၊ နား၊ နှာ၊ လျှာ၊ ကိုယ်၊ စိတ်။

ဣန္ဒြိယသံဝရ = ဣနြေ္ဒခြောက်ပါးကို စောင့်စည်းခြင်း။

မိစ္ဆာဇီဝ = တရားနှင့်မညီသော အသက်မွေးခြင်း။

အာဇီဝပါရိသုဒ္ဓိသီလ = သက်မွေးဝမ်းကြောင်း စင်ကြယ်မှု။

ပစ္စဝေက္ခဏာ = ဆင်ခြင်သုံးသပ်ခြင်း။

ပစ္စယသန္နိဿိတသီလ = ပစ္စည်းလေးပါးကို ဆင်ခြင်၍ မှီဝဲခြင်း။

စတုပါရိသုဒ္ဓိသီလ = အလွန်စင်ကြယ်သော သီလလေးပါး။

၁-ပါတိမောက္ခ သံဝရ သီလ၊

၂-ဣန္ဒြိယ သံဝရ သီလ၊

၃-အာဇီဝပါရိသုဒ္ဓိသီလ၊

၎-ပစ္စယသန္နိဿိတသီလ၊

သီလ၀ိသုဒ္ဓိ = သီလစင်ကြယ်မှု။

မဟဂ္ဂုတ် = ရူပ၊ အရူပ။

စိတ္တ၀ိသုဒ္ဓိ = စိတ်စင်ကြယ်မှု။

မိစ္ဆာ၀ါဒီ = ဖောက်ပြန်သော အယူရှိသူ။

ခြောက်ဆယ့်နှစ်ပါးသော ဒိဌိဝါဒ

၁။ ပုဗ္ဗ န္တ ကပ္ပိက (ပုဗ္ဗန္တာနု ဒိဌိ) ၀ါဒ ၁၈ မျိုး။

ပုဗ္ဗ + အ န္တ = ရှေးအတိတ်က ဖြစ်ခဲ့သော တရားစု (အကြောင်းအရာ)

ကို + ကပ္ပိက = ကြံစည်စဉ်းစားသူ တို့၏ + ၀ါဒ = အပြောအဆို အယူအဆ။

၂။ အပရ န္တ ကပ္ပိက (အပရန္တာနုဒိဌိ) ၀ါဒ ၄၄ မျိုး။

အပရ + အ န္တ = နောက်အနာဂတ် + တရားစုကို + ကပ္ပိက = ကြံစည်လေ့၊

စဉ်းစားလေ့၊ တွေးတောလေ့ရှိသူ။

၁။ ပုဗ္ဗ န္တ ကပ္ပိက ၀ါဒ ၁၈-မျိုး

၁-က။ သဿတ၀ါဒ ၄-မျိုး။

သဿတ = သတ္တ၀ါတို့ သန္တာန်၌ အတ္တရှိ၏၊ ထိုအတ္တသည် ဘယ်အခါမျှ မပျက်စီးဘဲ မြဲ၏ဟု

ယူဆသော အယူဝါဒ။

၁-ခ။ ဧကစ္စသဿတ၀ါဒ ၄-မျိုး။

ဧကစ္စ = အချို့+သဿတ=မြဲ၏။ ဧကစ္စ အသဿတ=အချို့မမြဲ။

၁-ဂ။ အနန္တာန န္တ၀ါဒ ၄-မျိုး။

အ န္တ=လောကကြီးအဆုံးရှိ၏။ အန န္တ=လောကကြီး အဆုံးမရှိ။

အနန္တာ န န္တ၀ါဒ=လောကကြီး အဆုံးလည်းရှိ၊ အဆုံးလည်း မရှိဟူသော အယူအဆ။

၁-။ အမရာ ၀ိက္ခေပ၀ါဒ ၄-မျိုး။

အမရာဝိက္ခေပ = မပြီးပြတ်နိုင်သော အယူ။ စိတ်ထဲ၌ ထိုအယူရှိသည့်အတိုင်း ပြောအပ်သောစကားကို

‘အမရာ’ ဟုခေါ်၏။ ၀ိက္ခေပ = ၀ိ+ခေပ = အမျိုးမျိုးအဖုံဖုံပြော၍ + ဖယ်ရှား ရှောင်တိမ်းခြင်း။ တစ်နည်း

အမရာမည်သော ငါးတစ်မျိုးရှိ၏၊ ထိုငါးသည် ငုပ်လိုက်ဖော်လိုက်နှင့် ပြေးသွားကာ အရှောင်အတိမ်း

ကောင်းလှသောကြောင့် ဖမ်း၍မမိနိုင်၊ ထိုငါးနှင့်တူသော အယူစကားကိုလည်း ‘အမရာဝိက္ခေပ’

ဟုခေါ်သည်။

၁-င။ အဓိစ္စ သမုပ္ပန္န၀ါဒ ၂ မျိုး။

အဓိစ္စသမုပ္ပန္န။ အဓိစ္စ = အကြောင်းတစ်စုံတစ်ရာကို မစွဲမှီဘဲ (အကြောင်းမရှိဘဲ) + သမုပ္ပန္န = ဖြစ်သည်။

အတ္တသည် ဘာ့ကြောင့်မှဖြစ်လာရသည် မဟုတ်၊ သူဖြစ်ချင်လို့ ဖြစ်သည်ဟူသော အယူကို အဓိစ္စသမုပ္ပန္န

ဟုခေါ်သည်။

၁-က။ သဿတ၀ါဒ ၄-မျိုး

(က) ဘ၀ပေါင်းများစွာကို ကိုယ်တိုင်သိမြင်သဖြင့် အတ္တသည် မြဲ၏။

(ခ) ဆယ်ကမ္ဘာအထိ ကိုယ်တိုင်သိမြင်သဖြင့် အတ္တသည် မြဲ၏။

(ဂ) ကမ္ဘာလေးဆယ်အထိ ကိုယ်တိုင်သိမြင်သဖြင့် အတ္တသည် မြဲ၏။

(ဃ) ကိုယ်တိုင်မသိ၊ တွေးတောကြံဆ၍ အတ္တသည် မြဲ၏။ (တက္ကီပုဂ္ဂိုလ်)

[ဘ၀ပေါင်းများစွာ ဆက်ကာဆက်ကာ ဖြစ်ရာဝယ် ခန္ဓာ အိမ်သာ တစ်မျိုးပြီးတစ်မျိုး ပြောင်းလဲရ၏။

အတ္တ (ငါ) ကား မပြောင်းလဲ။ ခန္ဓာအိမ်၌ မပျက်မစဲ အမြဲတည်သောအတ္တသည် ဧကန်ရှိ၏။ သို့ ယူဆ

သူများ ဖြစ်သည်။]

၁-ခ။ ဧကစ္စသဿတ၀ါဒ ၄-မျိုး

(က) လောကဖန်ဆင်းသော ဗြဟ္မာကြီးသည် မြဲ၏။ မိမိတို့ကား မမြဲ။ [ဣဿရနိမ္မာန၀ါဒ = ဖန်ဆင်းဝါဒ]

(ခ) အပျော်အပါးများသော(ခိဍ္ဍပဒေါသိက)နတ်တို့သည် မမြဲ။ အပျော်အပါးမများသော နတ်တို့သည် မြဲ၏။

ခိဍ္ဍာ = မြူးထူးပျော်ပါးမှုများသဖြင့် ပဒေါသ = ပျက်စီးရသောနတ်။

(ဂ) ဒေါသကြီးသော (မနောပဒေါသိက) နတ်တို့သည် မမြဲ၊ ဒေါသမကြီးသော နတ်တို့သည် မြဲ၏။

[မန = ဒေါသစိတ်ကြောင့် + ပဒေါသ = စုတေပျက်စီးရသူ။]

() ရုပ်သည် မမြဲ၊ စိတ်သည် မြဲ၏။ (တက္ကီပုဂ္ဂိုလ်)။

[သူကား လွန်လေပြီးသော အတိတ်ဘ၀ကို မမြင်။ ပစ္စုပ္ပန် ဘ၀ပေါ်တွင် အချို့မြဲ၍ အချို့မမြဲဟု

စဉ်းစားသူ ဖြစ်သည်။]

၁-ဂ။ အနန္တာန န္တ၀ါဒ ၄-မျိုး

(က) လောကကြီး အဆုံးရှိ၏။ (အ န္တ၀ါဒ)

(ခ) လောကကြီး အဆုံးမရှိ။ (အန န္တ၀ါဒ)

(ဂ) လောကကြီး အဆုံးလည်းရှိ။ အဆုံးလည်းမရှိ။ (အနန္တာန န္တ၀ါဒ)။

() လောကကြီး အဆုံးလည်းမဟုတ်၊ အဆုံးမရှိလည်း မဟုတ်၊ (နေ၀အ န္တနာန န္တ၀ါဒ)

(တက္ကီပုဂ္ဂိုလ်)

[မိမိတို့၏ ပထ၀ီကသိုဏ်းအားလျော်စွာ ထင်မြင် ယူဆချက်များဖြစ်၏။]

၁-။ အမရာဝိက္ခေပ၀ါဒ ၄-မျိုး

(က) မုသားကြောက်၍ စကားကို ဖယ်ရှားတိမ်းရှောင်၏။

(ခ) စွဲလမ်းမှုဥပါဒါန်ကြောက်၍ ဖယ်ရှားတိမ်းရှောင်၏။

(ဂ) ပညာရှိများ စစ်ဆေးမည်ကိုကြောက်၍ ဖယ်ရှားတိမ်းရှောင်၏။

() ညံ့ဖျင်း ထုံအခြင်းကြောင့် ဖယ်ရှားတိမ်းရှောင်၏။

[အမရာဝိက္ခေပ လေးမျိုးလုံး၌ သူတစ်ပါးကမေးသည်ကို မသိ၍ ရှောင်လွှဲနေရခြင်းသာဖြစ်၍

ဘယ်နည်းဖြင့် မိစ္ဆာအယူ မဖြစ်ချေ။ “ငါ့မှာ မုသားဖြစ်လိမ့်မည်။ ငါ့မှာ ဥပါဒါန်ဖြစ်လိမ့်မည်။

ငါ့ကို စစ်ဆေးကြလိမ့်မည်” ဟု ငါဟူသော အတ္တစွဲရှိ၏။ ထိုသို့ အတ္တစွဲအရင်းခံ၍ ဖြစ်ပေါ်လာသော အယူဝါဒဖြစ်သောကြောင့် ရှေးပုဂ္ဂိုလ်သုံးမျိုးကို မိစ္ဆာဒိဌိအယူရှိသူဟု ဆိုရမည်။ စတုတ္ထပုဂ္ဂိုလ်ကား မောဟကြီးသဖြင့် ကုသိုလ် အကုသိုလ်မှန်း လုံးဝမသိ။ ထိုသို့ မသိသည်ကို မသိရိုးရိုးမနေဘဲ ရှောင်လွှဲ၍ ဖြေဆိုမှုကိုပင် အကောင်းဟု စွဲစွဲမြဲမြဲ သဘောကျသော အယူတစ်မျိုးဖြစ်၏။ ထိုအယူကိုပင်မှားသော အယူ (မိစ္ဆာဒိဌိ) တစ်မျိုးဟု ဆိုရမည်။]

၁-င။ အဓိစ္စသမုပ္ပန္န ၂-မျိုး

(က) အသညသတ်ဘုံမှ စုတေခဲ့သူ၏ အယူဝါဒ။

[သညာ (၀ါ) စိတ်မရှိသော သတ္တ၀ါတို့နေရာ ဘုံမှရောက်လာသူဖြစ်သည်။ သူသည် လူ့ဘုံရောက်မှ သညာကို စတွေ့ရသည်။ သို့ကြောင့် အတ္တသည်လည်းကောင်း၊ လောကသည် လည်းကောင်း အကြောင်းမရှိဘဲ ဖြစ်၏ဟု ယူဆ၏။]

(ခ) တက္ကီပုဂ္ဂိုလ်၏ အယူအဆ။

[ထိုသူကား လောကသည်လည်းကောင်း၊ အတ္တသည်လည်းကောင်း အကြောင်းမရှိဘဲ သူဖြစ်ချင်

သလို ဖြစ်၏ဟု ကြံဆပြောပြသူဖြစ်သည်။]

ရှေးအတိတ် အကြောင်းအရာအစုကို ကြံစည်တတ်၊ အစဉ်လိုက်၍ မိစ္ဆာအယူကို ယူတတ်ကုန်သော သူတို့သည် ရှေးအတိတ် အကြောင်းအရာစုကို အာရုံပြု၍ မိစ္ဆာအယူဖြစ်ဖို့ရန် အခြေခံစကားအမျိုးမျိုး တို့ကို ပြခဲ့သော အကြောင်း ၁၈မျိုးတို့ဖြင့် စွဲမြဲစွာ ပြောဆိုတတ်ကြ၏။

၂။ အပရ န္တ ကပ္ပိက၀ါဒ ၄၄-မျိုး

၂-က။ ဥဒ္ဓမာတနိက သညီဝါဒ ၁၆-မျိုး။

[အာာတန = သေခြင်း = (သေရာကာလ) + ဥဒ္ဓ=အထက် (နောက်) သေပြီးနောက် အတ္တအကြောင်း

အရာကို ပြောဆိုလေ့ ရှိသူများကို ”ဥဒ္ဓမာာတနိက” ဟုခေါ်၏။]

၂-ခ။ ဥဒ္ဓမာာတနိက အသညီဝါဒ ၈-မျိုး။

၂-ဂ။ ဥဒ္ဓမာာတနိက နေ၀သညီ နာသညီဝါဒ ၈-မျိုး။

၂-။ ဥစ္ဆေဒ၀ါဒ ၇-မျိုး။

၂-င။ ဒိဌဓမ္မနိဗ္ဗာန၀ါဒ ၅-မျိုး။

၂-က။ ဥဒ္ဓမာာတနိက သညီဝါဒ ၁၆-မျိုး

(က) အတ္တသည် အပြောင်းအလဲ (ရုပ်) သဘောရှိ၏။ သေပြီးနောက် ပျက်စီးခြင်းမရှိ။

သညာလည်းရှိ၏။

(ခ) အတ္တသည် ရုပ်သဘောမရှိ။ သေပြီးနောက် ပျက်စီးခြင်းသဘောမရှိ။ သညာလည်းရှိ၏။

(ဂ) အတ္တသည် ရုပ်သဘော အရှိလည်းဟုတ်၏။ ရုပ်သဘော မရှိလည်း ဟုတ်၏။

သေပြီးနောက် ပျက်စီးခြင်းမရှိ။ သညာရှိ၏။

() အတ္တသည် ရုပ်သဘောရှိသည်လည်းမဟုတ်။ ရုပ်သဘော မရှိသည်လည်းမဟုတ်။

သေပြီးနောက် ပျက်စီးခြင်းမရှိ။ သညာရှိ၏။

(င) အတ္တသည် အဆုံးအပိုင်းအခြားရှိ၏။ သေပြီးနောက် ပျက်စီးခြင်းမရှိ။ သညာရှိ၏။

(စ) အတ္တသည် အဆုံးအပိုင်းအခြားမရှိ။ သေပြီးနောက် ပျက်စီးခြင်းမရှိ။ သညာရှိ၏။

(ဆ) အတ္တသည် အဆုံးရှိလည်းဟုတ်။ အဆုံးမရှိလည်း ဟုတ်၏။ သေပြီးနောက် ပျက်စီး

ခြင်းမရှိ။ သညာရှိ၏။

(ဇ) အတ္တသည် အဆုံးရှိလည်းမဟုတ်။ အဆုံးမရှိလည်းမဟုတ်။ သေပြီးနောက် ပျက်စီး

ခြင်းမရှိ။ သညာရှိ၏။

(ဈ) အတ္တသည် တစ်မျိုးတည်းသောသညာရှိ၏။ သေပြီးနောက် ပျက်စီးခြင်းမရှိ။ သညာရှိ၏။

(ည) အတ္တသည် အမျိုးမျိုးသညာရှိ၏။ သေပြီးနောက် ပျက်စီးခြင်းမရှိ။ သညာရှိ၏။

(ဋ) အတ္တသည် သေးငယ်သော သညာရှိ၏။ သေပြီးနောက် ပျက်စီးခြင်းမရှိ။ သညာရှိ၏။

(ဌ) အတ္တသည် အတိုင်းအရှည် မရှိလောက်အောင် ကြီးကျယ်သော သညာရှိ၏။ သေပြီးနောက်

ပျက်စီးခြင်း မရှိ။ သညာရှိ၏။

(ဍ) အတ္တသည် စင်စစ်သုခရှိ၏။ သေပြီးနောက် ပျက်စီးခြင်းမရှိ။ သညာရှိ၏။

(ဎ) အတ္တသည် စင်စစ်ဒုက္ခရှိ၏။ သေပြီးနောက် ပျက်စီးခြင်းမရှိ။ သညာရှိ၏။

(ဏ) အတ္တသည် သုခ၊ ဒုက္ခနှစ်မျိုးလုံးရှိ၏။ သေပြီးနောက် ပျက်စီးခြင်းမရှိ။ သညာရှိ၏။

(တ) အတ္တသည် အဒုက္ခ မသုခ (ဥပေက္ခာ) ရှိ၏။ သေပြီးနောက် ပျက်စီးခြင်းမရှိ။ သညာရှိ၏။

[ဥဒ္ဓမာာတန အယူအဆ သညီဝါဒ ရှိကုန်သောသူတို့သည် ၁၆-ပါးသော အကြောင်းပြချက်

တို့ဖြင့် အတ္တကို သေပြီးနောက် သညာရှိသည်ဟု ယူဆကြလေသည်။]

၂-ခ။ ဥဒ္ဓမာာတနိက အသညီဝါဒ ၈-မျိုး

(က) အတ္တသည် အပြောင်းအလဲ (ရုပ်) သဘောရှိ၏။ သေပြီးနောက် မြဲ၏။ သညာမရှိ။

(ခ) အတ္တသည် ရုပ်သဘောမရှိ။ သေပြီးနောက်မြဲ၏။ သညာမရှိ။

(ဂ) အတ္တသည် ရုပ်သဘောအရှိလည်းဟုတ်၏။ ရုပ်သဘောမရှိလည်း ဟုတ်၏။

သေပြီးနောက် မြဲ၏။ သညာမရှိ။

() အတ္တသည် ရုပ်သဘောရှိသည်လည်း မဟုတ်။ ရုပ်သဘောမရှိလည်း မဟုတ်။

သေပြီးနောက် မြဲ၏။ သညာမရှိ။

(င) အတ္တသည် အဆုံးအပိုင်းအခြားရှိ၏။ သေပြီးနောက် မြဲ၏။ သညာမရှိ။

(စ) အတ္တသည် အဆုံးအပိုင်းအခြားမရှိ။

(ဆ) အတ္တသည် အဆုံးလည်းရှိ။ အဆုံးလည်း မရှိ။

(ဇ) အတ္တသည် အဆုံးရှိလည်း မဟုတ်။ အဆုံးမရှိလည်း မဟုတ်။ သေပြီးနောက်မြဲ၏။

သညာမရှိ။

[ဥဒ္ဓမာာတနိက အသညီဝါဒရှိသော သူတို့သည် ရှစ်ပါးသော အကြောင်းပြချက်

တို့ဖြင့် အတ္တကို သေပြီးနောက် သညာမရှိဟု ယူဆကြ၏။]

၂-ဂ။ ဥဒ္ဓမာာတနိက နေ၀သညီနာသညီဝါဒ ၈-မျိုး

(က) အတ္တသည် အပြောင်းအလဲ (ရုပ်) သဘောရှိ၏။ သေပြီးနောက် မြဲ၏။ သညာရှိလည်း

မဟုတ်။ သညာမရှိလည်း မဟုတ်။

(ခ) အတ္တသည် ရုပ်သဘောမရှိ။

(ဂ) အတ္တသည် ရုပ်သဘောလည်းရှိ၏။ ရုပ်သဘောလည်း မရှိ။

() အတ္တသည် ရုပ်သဘောအရှိလည်းမဟုတ်။ ရုပ်သဘောမရှိလည်းမဟုတ်။

(င) အတ္တသည် အဆုံးအပိုင်းအခြားရှိ၏။

(စ) အတ္တသည် အဆုံးအပိုင်းအခြားမရှိ။

(ဆ) အတ္တသည် အဆုံးလည်းရှိ။ အဆုံးလည်း မရှိ။

(ဇ) အတ္တသည် အဆုံးလည်း မဟုတ်။ အဆုံးမရှိလည်း မဟုတ်။ သေပြီးနောက် မြဲ၏။

သညာရှိလည်း မဟုတ်။ သညာမရှိလည်း မဟုတ်။

[ဥဒ္ဓမာာတနိက နေ၀သညီနာသညီဝါဒရှိသောသူတို့သည် ရှစ်ပါးသော အကြောင်းပြ

တို့ဖြင့် အတ္တကို သေပြီးနောက်သညာရှိလည်း မဟုတ်၊ သညာမရှိလည်းမဟုတ်ဟု ယူဆ

ကြ၏။]

၂-။ ဥစ္ဆေဒ၀ါဒ ၇-မျိုး

[သတ္တ၀ါသည် သေလျှင်အသက်မရှိ၊ ပြတ်စဲတော့၏ဟူသော အယူကိုဥစ္ဆေဒ၀ါဒဟု

ခေါ်သည်။]

(က) ခန္ဓာကိုယ် ပျက်စီးလျှင် အတ္တလည်း ပြတ်စဲ ပျောက်ပျက်၏။ သေပြီးနောက် ဘာမျှ

မဖြစ်တော့ချေ။

(ခ) လူ့ဘ၀တစ်ဘ၀မျှဖြင့် အတ္တသည် မပြတ်စဲသေး၊ နတ်ဖြစ်ပြီးနောက်မှ အဆက်မရှိ

ပြတ်စဲတော့၏။ ဘာမျှထပ်၍ မဖြစ်တော့ချေ။

(ဂ) နတ်ဘ၀ဖြင့် အတ္တသည် မပြတ်စဲသေး။ ဗြဟ္မာဖြစ်ပြီးနောက်မှ အဆက်မရှိ ပြတ်စဲ

တော့၏။ ဘာမျှ ထပ်၍ ဖြစ်တော့ချေ။

() အာကာသာနဉ္စာယတန ဘုံသို့ရောက်မှ အတ္တသည် ပြတ်၏။

(င) ၀ိညာဏဉ္စာယတနဘုံသို့ရောက်မှ အတ္တသည် ပြတ်၏။

(စ) အာကိဉ္စညာယတနဘုံသို့ရောက်မှ အတ္တသည် ပြတ်၏။

(ဆ) နေ၀သညာနာသညာယတနဘုံသို့ ရောက်မှ အတ္တသည် ပြတ်၏။

[ဥစ္ဆေဒ အယူရှိကုန်သော သူတို့သည် ၇-မျိုးသော အကြောင်းပြတို့ဖြင့် ထင်ရှားရှိသော

သတ္တ၀ါတို့၏ ပြတ်စဲပျက်စီး ကင်းပျောက်ခြင်းကို ပြောဆိုကြ၏။]

၂-င။ ဒိဌဓမ္မနိဗ္ဗာန၀ါဒ ၅-မျိုး

[လက်ရှိခန္ဓာကိုယ် ဒုက္ခကင်း၍ ချမ်းသာစွာ နေရခြင်းကို ဒိဌဓမ္မနိဗ္ဗာန = လောကီနိဗ္ဗာန်

ဟုခေါ်သည်။]

(က) ကာမဂုဏ်ငါးပါးဖြင့် တင့်တယ်စံပယ်လျက် ခံစား စံစားရခြင်းသည် သတ္တ၀ါ၏

မွန်မြတ်သော ဒိဌဓမ္မ နိဗ္ဗာန်ဖြစ်၏။

(ခ) ပထမဈာန်ကိုရသည့်အခါ အတ္တသည် မွန်မြတ်သော ဒိဌဓမ္မနိဗ္ဗာန်သို့ရောက်၏။

(ဂ) ဒုတိယဈာန်ကို ရသည့်အခါ အတ္တသည် မွန်မြတ်သော ဒိဌဓမ္မနိဗ္ဗာန်သို့ ရောက်၏။

() တတိယဈာန်ကို ရသည့်အခါမှ ဒိဌဓမ္မနိဗ္ဗာန်။

(င) စတုတ္ထဈာန်ကို ရသည့်အခါမှ ဒိဌဓမ္မနိဗ္ဗာန်။

[ဤငါးမျိုးသော အကြောင်းပြတို့ဖြင့် ထင်ရှားရှိသော သတ္တ၀ါတို့၏ မွန်မြတ်သော ဒိဌဓမ္မ

နိဗ္ဗာန၀ါဒကို ပြောဆိုယူဆကြသည်။]

နောက်အနာဂတ် အကြောင်းအရာစုကို ကြံစည်တတ် ယူဆတတ်သော သူတို့သည်

ဤပြခဲ့သော အကြောင်း ၄၄-မျိုး တို့ဖြင့် စွဲမြဲစွာ ပြောဆိုကြ၏။

ဤသို့လျှင် ရှေးအတိတ်ကဖြစ်ခဲ့သော အကြောင်းအရာများကို ကြံစည်စဉ်းစားသူတို့၏

အယူအဆ ၀ါဒ ၁၈-မျိုးနှင့် နောက်အနာဂတ် အကြောင်းအရာကို ကြံစည်စဉ်းစားသူတို့၏

အယူအဆ၀ါဒ ၄၄-မျိုးအားဖြင့် (၆၂) ပါးသော ဒိဌိဝါဒတို့ ဖြစ်သတည်း။

(ဤ ၆၂-ပါးသော ဒိဌိတို့အကြောင်း အကျယ်ကို မုံရွေး ဇေတ၀န်ဆရာတော်ဘုရားကြီး

ပြုစုတော်မူသော သမန္တစက္ခု ဒီပနီကျမ်း ပထမစာအုပ်တွင် အလွယ်ကြည့်နိုင်ပါသည်။ မူရင်း

ကျကျ လေ့လာလိုပါက ဗြဟ္မဇာလသုတ်တွင် ကြည့်ရှုကြပါကုန်။ ဤမှတ်ချက်ကိုမူ ဗြဟ္မဇာလ

သုတ်မှ အကျဉ်းချုပ်ကောက်နုတ်ခြင်း ဖြစ်ပါသည်။)

ဝိတဏ္ဌီ = ဆန့်ကျင်သော အယူရှိသူ။

ဒိဌိဝိသုဒ္ဓိ = အယူအမြင် စင်ကြယ်မှု။

ကင်္ခါဝိတရဏ = တစ်ဆယ့်ခြောက်ပါးသော ယုံမှားသင်္ကာကို လွန်မြောက်သော

ဝိသုဒ္ဓိ ဉာဏ်၏ စင်ကြယ်မှု။

တစ်ဆယ့်ခြောက်ပါး = ယုံမှားခြင်း တစ်ဆယ့်ခြောက်ပါး။

သော ယုံမှားသင်္ကာ

၁။ ငါသည် အတိတ်ကာလ၌ ဖြစ်ခဲ့သလော။

၂။ ငါသည် အတိတ်ကာလ၌ မဖြစ်ခဲ့သလော။

၃။ ငါသည် အတိတ်ကာလ၌ အဘယ်သို့သောသူ ဖြစ်ခဲ့သနည်း။

၎။ ငါသည် အတိတ်ကာလ၌ အဘယ်သို့ ဖြစ်ခဲ့သနည်း။

၅။ ငါသည် အတိတ်ကာလ၌ အဘယ်သူ ဖြစ်ပြီးနောက်အဘယ် ဖြစ်ခဲ့သနည်း။

၆။ ငါသည် အနာဂတ် ကာလ၌ ဖြစ်လတ္တံ့လော။

၇။ ငါသည် အနာဂတ် ကာလ၌ မဖြစ်လတ္တံ့လော။

၈။ ငါသည် အနာဂတ် ကာလ၌ အဘယ်သို့သောသူ ဖြစ်လတ္တံ့နည်း။

၉။ ငါသည် အနာဂတ် ကာလ၌ အဘယ်သို့ ဖြစ်လတ္တံ့နည်း။

၁၀။ ငါသည်အနာဂတ်ကာလ၌အဘယ်သူဖြစ်ပြီးနောက်အဘယ်သူ ဖြစ်လတ္တံ့နည်း။

၁၁။ ငါသည် ဟုတ်ပါလေ၏လော။

၁၂။ ငါသည် မဟုတ်လေသလော။

၁၃။ ငါ ဘယ်သူဖြစ်သနည်း။

၁၄။ ငါ အဘယ်သို့ဖြစ်သနည်း။

၁၅။ ငါသည် အဘယ်မှ လာသနည်း။

၁၆။ ငါသည် အဘယ်သို့ သွားလတ္တံ့နည်း။

မဂ္ဂါမဂ္ဂဉာဏ ဒဿန ၀ိသုဒ္ဓိ = မဂ်ဟုတ်မဟုတ် သိမြင်နိုင်သော ဉာဏ်အမြင် စင်ကြယ်မှု။

ပဋိပဒါဉာဏ ဒဿန ၀ိသုဒ္ဓိ = မဂ်ရောက်ကြောင်း ကျင့်စဉ်ကို သိမြင်သော ဉာဏ်စင်ကြယ်မှု။

သဟဇာတ် = တကွဖြစ်သော။

သမ္ပယုတ် = အတူယှဉ်သော။

သစ္စာလေးတန်ကို ဆယ့်ခြောက်နက် ဝေဖန်၍ = သစ္စာအနက် ဆယ့်ခြောက်ချက်။

ဉာဏဒဿန ၀ိသုဒ္ဓိ = သစ္စာလေးပါး အမှန်တရားကို သိမြင်သော ဉာဏ်အမြင် စင်ကြယ်မှု။

တဒင်္ဂ ၀ိမုတ္တိ = ကာမ ကုသိုလ်ဖြင့် ကိလေသာမှ အခိုက်အတန့်မျှ လွတ်မြောက်မှု။

ဝိက္ခ မ္ဘန ၀ိမုတ္တိ = မဟဂ္ဂုတ်ကုသိုလ်ဖြင့် ကိလေသာကို ပယ်ခွာ လွတ်မြောက်မှု။

သမုေ စ္ဆဒ ၀ိမုတ္တိ = မဂ်ဖြင့် ကိလေသာမှ အကြွင်းမဲ့ လွတ်မြောက်မှု။

ပဋိပဿမ္ဘန ၀ိမုတ္တိ = ဖိုလ်ဖြင့် ကိလေသာမှ ထပ်မံ လွတ်မြောက်မှု။

နိဿရဏ ၀ိမုတ္တိ = ကိလေသာမှ လုံးဝ လွတ်မြောက်မှု။

အာဂါရမုနိ = လူဝတ်ကြောင်သူမြတ်။

အနာဂါရမုနိ = ရဟန်းသူမြတ်။

သေက္ခမုနိ = အရိယာပုဂ္ဂိုလ် ခုနစ်ယောက်။

အသေက္ခမုနိ = ရဟန္တာပုဂ္ဂိုလ်။

ပစ္စေကမုနိ = ပစ္စေကဗုဒ္ဓါ။

မုနိန္ဒာဘိပ၀ရ = မုနိငါးပါးတို့ထက်မြတ်သော။

အတုလမုနိ = အတုမရှိသော မြတ်စွာဘုရား။

အပိုဒ် ၇

ဂင်္ဂါဝါဠု = ဂင်္ဂါမြစ်တွင်းရှိသဲများ။

အနန္တဂူ = အဆုံးမရှိသော နိဗ္ဗာန်သို့ ရောက်တော်မူသော။

သီလသံဝရ = သီလစောင့်ခြင်း။

ဣန္ဒြိယ သံဝရ = ဣနြေ္ဒခြောက်ပါး စောင့်စည်းခြင်း။

ဘောဇနမတ္တညုတာ = ဘောဇဉ်၌ အတိုင်းအရှည်သိခြင်း။

ဇာဂရိယာနုယောဂ = နိုးကြားခြင်းနှင့် ယှဉ်ခြင်း။

သဒ္ဓါ = ရတနာသုံးပါး၊ ကံနှင့်အကျိုးကို ယုံကြည်ခြင်း။

သတိ = တရားမမေ့ခြင်း။

ဟီရိ = မကောင်းမှုကို ရှက်ခြင်း။

သြတ္တပ္ပ = မကောင်းမှုကို ကြောက်ခြင်း။

ဗာဟုဿစ္စ = အကြားအမြင်များခြင်း။

ဝီရိယ = လုံ့လရှိုခြင်း။

ပညာ = အသိဉာဏ်ရှိခြင်း။

လေးဖြာဈာန် = ပထမဈာန်၊ ဒုတိယဈာန်၊ တတိယဈာန်၊ စတုတ္ထဈာန်ဟူသော ဈာန်လေးပါး။

စရဏတရား = အကျင့်တရား။

နာနာကုလ = လူမျိုးအသီးသီး။

ဝေါဟာရသဒ္ဒါ = ဘာသာစကား။

အတ္ထပဋိသမ္ဘိဒါ = အနက်ကိုခွဲခြမ်း၍ သိသောဉာဏ်။

ဝါစာဂီရတ် = နှုတ်ထွက်စကား။

ဓမ္မပဋိသမ္ဘိဒါ = ဓမ္မကို ခွဲခြမ်း၍ သိသောဉာဏ်။

ဝိဂြိုဟ်ဝစနတ် = ပုဒ်၏ အနက်ရင်း။

ဓာတ် = ပုဒ်၏ ရင်းမြစ်။

ပစ္စည်း = ပုဒ်၏ နောက်ဆက်စကား။

လိင် = ပုဒ်၏ ဣတ္ထိလိင်၊ ပုလ္လိင်။

အန် = ပုဒ်၏ အဆုံး။

နိရုတ္တိပဋိသမ္ဘိဒါ = သဒ္ဒါနည်းကို ခွဲခြမ်း၍ သိသောဉာဏ်။

သဒ္ဒါပညတ် = ဝေါဟာရစကားအဖြစ်။

ပဋိဘာနပဋိသမ္ဘိဒါ = ခွဲခြမ်းစိတ်ဖြာ၍ သိသောဉာဏ်။

ဣဒ္ဓိဝိဓ = တန်ခိုးအမျိုးမျိုးဖန်ဆင်းခြင်း။

စေတောပရိယ = သူတစ်ပါး၏စိတ်ကို သိသောဉာဏ်။

ယထာကမ္မုပဂ = ကံအတိုင်းဖြစ်နေကြသော (သတ္တ၀ါတို့ကို မြင်သောဉာဏ်)

အနာဂတံသ = နောင်ဖြစ်လတ္တံ့ကို မြင်သောဉာဏ်။

ရူပဈာန်လေးရပ် = ပထမ၊ ဒုတိယ၊ တတိယ၊ စတုတ္ထဈာန်။

အရူပဈာန်လေးရပ် = အာကာသာ နဉ္စာယတန၊ ၀ိညာဏဉ္စာယတန၊ အာကိဉ္စညာယတန၊

နေ၀သညာနာသညာယတန။

ကျေးဇူးတော် = အတိတ်၊ အနာဂတ်၊ ပစ္စုပ္ပန်တို့၌ မပိတ်မပင်သော ဉာဏ်ရှိတော်မူသည့်သုံးပါး။

တစ်ဆယ့်ရှစ်ပါး ကာယကံ၊ ၀စီကံ၊ မနောကံတို့သည် ဉာဏ်တော်လျှင် ပြဌာန်း၏။ ဉာဏ်တော်သို့

အစဉ်လိုက်၏။ သုံးပါးပေါင်းသော် ခြောက်ပါး။ ဆန္ဒ၊ ၀ီရိယ၊ သတိ၊ သမာဓိ၊ ပညာ၊

ဝိမုတ္တိတို့၏ ယုတ်လျော့ခြင်း မရှိ။ ပေါင်းသော် တစ်ဆယ့်နှစ်ပါး။ မြူးထူးခြင်းမရှိ၊

မြူးထူးလိုသော စကားမရှိ၊ ချွတ်ယွင်းသည်မရှိ၊ အဆောတလျင်ပြုသော အမှုမရှိ၊

ကြောင့်ကြခြင်းမရှိ၊ မစုံစမ်း မဆင်ခြင်မူ၍ ပြုခြင်းမရှိ၊ ပေါင်းသော်တစ်ဆယ့်ရှစ်ပါး။

အံ့ဖွယ်တစ်ဆယ့်ရှစ်စုံ = ၁၊ သင်္ကန်းတော်သည် ဖွပ်ရ၊ ဆိုးရခြင်းမရှိ၊ နွမ်းရိခြင်းမရှိ။

၂၊ ဆံတော်သည် တောထွက်စ က ဖြတ်သည့်အတိုင်း အသက်တော်ပတ်လုံး

လက်နှစ်သစ်မျှသာရှိခြင်း။

၃၊ ပရိက္ခရာ ရှစ်ပါးကို ဆောင်ယူတော်မူသော်လည်း ကိုယ်နှင့် မထိခြင်း။

၎၊ သပိတ်တော်ဆေးလျှင် လက်တော်စင်နှင့်၍ လက်တော်ဆေးလျှင်

သပိတ်တော်စင်နှင့်ခြင်း။

၅၊ မုန်ညင်းသီးခွံ တည်းဟူသောကြုတ်ထဲသို့ ၀င်တော်မူနိုင်ခြင်း။

၆၊ ရောင်ခြည်တော် လွှတ်လျှင် အရပ်ဆယ်မျက်နှာ တိုင်အောင်နှံ့ခြင်း။

၇၊ ကိုယ်တော်ကို အသိန်းအသန်း ဖန်ဆင်း၍ သတ္တ၀ါကို ချွတ်နိုင်ခြင်း။

၈၊ ဇာတိခေတ်၊ အာဏာခေတ်၊ ၀ိသယခေတ်သုံးပါး၌ အမိုက်ကိုလည်းကောင်း၊

အလင်းကိုလည်းကောင်း ဖန်ဆင်းနိုင်ခြင်း။

၉၊ ကိုယ်တော်ကို အထက်ကောင်းကင်သို့ ရောက်အောင် လ၀န်းပေါ်သကဲ့သို့

မြှင့်နိုင်ခြင်း။

၁၀၊ သန့်ရှင်းသော၊ သာယာသော၊ သိလွယ်သော၊ နာချင်ဖွယ်သော၊ ပျံ့သော၊

လုံးသော၊ နက်နဲသော၊ ပဲ့တင်ထပ်သော အင်္ဂါရှစ်ပါးနှင့် ပြည့်စုံသော

အသံတော်ဖြင့် ဟောတော်မူသည့် တရားတော်သည် ပရိသတ်ရှိလေရာရာ

ကြားနိုင်ခြင်း။

၁၁၊ လူနတ်တို့၏ စိတ်ကို သိနိုင်သော အာသယာနုသယဉာဏ်။

၁၂၊ ကျွတ်အံ့သော သတ္တ၀ါတို့ကို သိတော်မူနိုင်သော မဟာကရုဏာ

သမာပတ္တိဉာဏ်။

၁၃၊ ဤသူကား နက်ဖြန်ကျွတ်လတ္တံ့၊ ဤသူကား သန်ဘက်ကျွတ်လတ္တံ့

စသည်ဖြင့် သိနိုင်သော ဣန္ဒြိယပရောပရိယတ္တိဉာဏ်။ ဉေယျဓံတရားငါးပါး။

ပေါင်း ၁၈ ပါး။

အပိုဒ် ၈

ဒေ၀ပုတ္တမာရ် = မာရ်နတ်။

ကိလေသမာရ် = ကိလေသာဆယ်ပါး။

ခန္ဓမာရ် = ခန္ဓာငါးပါး။

မစ္စုမာရ် = သေခြင်းတရား။

အဘိသင်္ခါရမာရ် = ပြုပြင်စီရင်မှု။

သတိပဌာန် = သတိတည်ဆောက်မှု။

သမ္မပ္ပဓာန် = ကောင်းစွာအားထုတ်မှု။

ဣဒ္ဓိပါဒ် = မဟဂ္ဂုတ် လောကုတ္တရာ တရားထူးတို့ ဖြစ်ပေါ်ပြီးစီးခြင်း၏

အခြေပါဒ ဖြစ်သော တရား။

ဣနြေ္ဒ = မိမိတို့ဆိုင်ရာကိစ္စ၌ အစိုးရမှု ရှိသောတရား။

ဗိုလ် = ဆန့်ကျင်ဘက် တရားတို့ကြောင့် တုန်လှုပ်ခြင်းမရှိ ခိုင်ခံ့

အားကောင်းသော တရား။

ဗောဇ္ဈင် = မဂ်ဉာဏ်ဟူသော ဗောဓိ၏ အစိတ်အင်္ဂါ ဖြစ်သော တရား။

မဂ္ဂင် = မဂ်၏ အစိတ်အင်္ဂါ ဖြစ်သော တရား။

ဗောဓိပက္ခိယ = မဂ်ဉာဏ်၏ အသင်းအပင်း၌ ဖြစ်ကြသောတရား။ သတိပဌာန်-၄၊

သမ္မပ္ပဓာန်-၄၊ ဣဒ္ဓိပါဒ်-၄၊ ဣနြေ္ဒ-၅၊ ဗိုလ်-၅၊ ဗောဇ္ဈင်-၇၊ မဂ္ဂင်-၈

ပါး အားဖြင့် ၃၇ ပါး ရှိသည်။

မာရ်ဗိုလ်ပါ = မာရ်နတ်၏ စစ်သည်တပ်သား။

အသင်္ခတ = အကြောင်းတရား မပြုအပ်သော။

ခေမ = ဘေးကင်းရာနိဗ္ဗာန်။

ဓမ္မာရုံ = မဂ်တရား၏ အာရုံနိဗ္ဗာန်။

အပိုဒ် ၉

ဌာနာဌာန ကောသလ္လဉာဏ် = အရာဟုတ်သည် မဟုတ်သည်ကို သိတတ်သောဉာဏ်။

ဝိပါကဉာဏ် = ကံအထူးကို သိတတ်သောဉာဏ်။

(ကမ္မိပါကန္တရဉာဏ်)

သဗ္ဗတ္ထဂါမိနီဉာဏ် = ကံ၏ အပိုင်းအခြားကို သိတတ်သောဉာဏ်။

နာနာဓာတုဉာဏ် = ဓာတ်တို့၏ အထူးအပြားကို သိတတ်သောဉာဏ်။

အဓိမုတ္တိဉာဏ် = သတ္တ၀ါတို့၏ အလို နှလုံးသွင်းကို သိတတ်သောဉာဏ်။

ဣန္ဒြိယပရောပရိယတ္တိဉာဏ် = ဣနြေ္ဒရင့်မရင့်ကို သိတတ်သောဉာဏ်။

ဈာနာဒိသံကိလေသဉာဏ် = ဈာန် စသည်တို့၏ ညစ်ညူးခြင်းကို သိတတ်သောဉာဏ်။

ခေတ်သုံးထပ် = ဇာတိခေတ်၊ အာဏာခေတ်၊ ၀ိသယခေတ်သုံးပါး။

လောကုတ္တရာတရားမြတ်ကိုးပါး = မဂ် ၄ ပါး + ဖိုလ် ၄ ပါး + နိဗ္ဗာန် ၁။ (အချို့မူ၌ ၈ ပါးဟု ဆိုသည်။)

နရက် = ငရဲဘုံ။

သုံးခရိုင် = ကာမဘုံ၊ ရူပဘုံ၊ အရူပဘုံ ၃ ပါး။

ဂုဏ်အရဟတ် = မြတ်သောဂုဏ်။

အပိုဒ် ၁၀

အဍ္ဎဆက္ကသတ = ခြောက်ရာမှာ ငါးဆယ်လျော့ဟူသည့် သဘော၊ ငါးရာ့ငါးဆယ်

ဇာတ်တော်များကို ဆိုသည်။ (အဎ=အခွဲနှင့်တကွ၊ ဆက္ကသတ=ခြောက်ရာ)။

အနန္တဘ၀ = အဆုံးမရှိသောဘ၀။

ဓနပရိစ္စာဂ = ပစ္စည်းဥစ္စာကို စွန့်ခြင်း။

ပုတ္တပရိစ္စာဂ = သားသမီးကို စွန့်ခြင်း။

ဘရိယပရိစ္စာဂ = မယားကို စွန့်ခြင်း။

အင်္ဂပရိစ္စာဂ = မျက်စိစသော အင်္ဂါကို စွန့်ခြင်း။

ဇီဝိတ ပရိစ္စာဂ = အသက်ကို စွန့်ခြင်း။

ဟေတုသမ္ပဒါ = အကြောင်းပြည့်စုံခြင်း။

ရံသီနေပြောက် = နေရောင် နေပြောက်။

မေရုပဗ္ဗတ = မြင်းမိုရ်တောင်။

သီလာတောင် = ကျောက်တောင်။

တစ်ပြိုင်တည်လျက် တစ်ပြိုင်ပျက် = အတူဖြစ်၊ အတူပျက်သော စကြာဝဠာကုဋေတစ်သိန်း။

အပိုဒ် ၁၁

ဒဿနာကာရ = မြင်ပုံအခြင်းအရာ။

သောဠသ = တစ်ဆယ့်ခြောက် (သစ္စာအနက် ဆယ့်ခြောက်ချက်)။

မေဃ၀န် = အလွန်သည်းထန်သော မိုးကြီး။

ဓမ္မဘေရီ = တရားတည်းဟူသော စည်တော်။

မေဒနီ = အဆီ၊ အနှစ်။

ဒေ၀ါဓိ ဒေ၀ိန္ဒ = နတ်တကာတို့ထက် မြတ်သောနတ်။

ဗြဟ္မာဓိ ဗြဟ္မိန္ဒ = ဗြဟ္မာတကာတို့ထက် မြတ်သောဗြဟ္မာ။

တိဘ၀ပါရဂူ = ကာမ၊ ရူပ၊ အရူပ ဟူသော ဘ၀သုံးပါး၏ တစ်ဘက်သို့ရောက်သည့် မြတ်စွာဘုရား။

အဘိဘူပါမောက္ခ = ဗြဟ္မာတို့၏ အကြီးအကဲ။

အနုတ္တရ = မိမိထက် လွန်မြတ်သူ မရှိသော။

မဟာဓမ္မရာဇ် = တရားမင်း မြတ်စွာဘုရား။